د پولیسو په وینا پر دغه تونل به له بلاروس څخه قاچاقي مهاجر د پولند خاورې ته داخلېدل.

 د پولنډ د سرحدي ځواکونو د جمعې ورځې په یوه اعلامیه کې راغلي چې نیول شوي کسان په توقیف کې دي او د پاتې نورو احتمالي افرادو د موندلو په موخه لټون ادامه لري.

د آلمان خبري آژانس په حواله په نیول شوو کسانو کې زیاتره ېې د افغانستان او پاکستان څخه دي او همدارنګه د هندوستان، بنګله دیش او نيپال په ګډون د ځینو نورو هېوادونو اتباع هم پکې شته دي.

په اعلامیه کې زیاته شوې چې د پېښې په تړاو دوه کسان، یو ۶۹ کلن پولندی او یو ۴۹ کلن ليتوانيايي وګړی نيول شوي دي.

نور ولولۍ:  

د تونل اوږدوالی په لسونو متره او لوړوالی ېې نژدې یونیم متر ښودل شوی چې د بلاروس لور ته په یوه ځنګلي علاقه کې یې یوه پټه دروازه درلوده. پولند لور ته ېې د وتلو دروازه تر سرحدي کټارو لاندې له سرحده نژدې لس متره لرې وښکل شوې ده.

د پولند سرحدي ساتونکو ويلي چې دغه تونل ېې پر هغو وسایلو کشف کړی چې د برقي توکو د موندلو له پاره کارول کيږي.

پلټونکي په دې باور دې چې له دغه تونله مخکې هم استفاده شوې چې لږ تر لږه ۱۸۰ کسان پرې د پولند خاورې یا په ټوله کې اروپايي اتحادیې ته داخل شوي دي.

پولند په پر له پسې توګه پر بلاروس تور لګولی چې په سازمان ورکوونکي شکل د بحران ځپلو سیمو مهاجرو ته د اروپايي اتحادیې د بهرنیو سرحدونو پر لور لار ورکوي ترڅو په ناقانونه توګه دغې اتحادیې ته داخل شي.

له آرشیف څخه: