د پلان له مخې پوځي پرېټ د ګرينويچ پر وخت د سهار پر ۷ بجو په ځانګړو تشریفاتي مراسمو سره پیل شو.

د روسېې ولسمشر ولاديمیر پوتین هم په مسکو کې د می مياشتي د نهمې په پوځي مراسمو کې ګډون درولود او د پوځي پرېټ ننداره يې وکړه. هغه له پخوانيو پوځيانو سره د لیدنې پر مهال.

د روسېې دغه پوځي پرېټ په داسې وخت کي وشو چې سږکال يې له لويديځ سره اړيکې هم خړې پړې شوې دي.

په انځور کي د دوهمي نړيوالي جگړې څوتنه گډون کوونکي ښکاري. پوتين هغوی ته مبارکي ورکړله.

دغه پوځي پرېټ د مسکو په سره میدان کې تر سره شو.

همدا ډول ويل شوي ول چې د مسکو د یکشنبې ورځې په پوځي پرېټ کې د نړیوال بالیستيکي توغنديو په ګډون به ۱۹۰ ډوله وسلې وښودل شي.

په پوځي پرېټ کې د نژدې ۸۰ پوځې الوتکو ګډون. درې جوړې الوتکې د سره میدان له سره په آسمان کې د روسې د درې رنګه بیرغ په نقش کاږولو سره تیریږي.

روسيې په دغه پوځي پرېټ کې خپل پوځي ځواک نندارې ته وړاندې کړ. روسيه د نړۍ يو قوي پوځي ځواک درولودونکی هیواد ګڼل کيږي.

 زغروال روسي ټانکونه د هغو درونو وسلو له ډلې څخه ول چې د یکشنبې ورځې په پوځي پرېټ کې تیر شول.

تر پوځي پرېټ دمخه رپوټونو کې راغلي ول چې د مسکو په دغه پوځي مراسمو کې ۱۲ زره عسکر ګډون کوي.

روسيې د يکشنبې ورځې په پوځې پرېټ کې د مختلفو پوځي قطعاتو سرتيري وښودل شول.

روسيه په داسې وخت کې سږکال د نازي آلمان پر وړاندې د پخواني شوروي د بریا ۷۶مه کلیزه لمانځنه چې سږکال يې له امریکا متحده ایالات سره ديپلوماتيکي اړېکې ترینګلي شوي دي.

روسيه وايي دغه مسئله چې د لوېديځ د اندېښنې سبب شوې په اصل کې د ناټو پوځي اتحاد او اوکراين د پوځي فعالیتونو ته د ځواب په توګه د پوځي تمریناتو یوه لړۍ وه. روسيې وروسته د خپلو ځينو ځواکونو د وتلو امر وکړ.

د فرانسې خبري آژانس په حواله روسیه پلان لري چې د دوشنبې په ورځ د می ۱۰مه هم دې ته ورته پوځي پرېټونه په خپلو ځینو نورو ښارونو کې وکړي.

د اوکراین تر خپلواکۍ څو ورځې وړاندې د اوکراین د پلازمېنې په کوڅو کې روسي ټانکونه نندارې ته وړاندې شوي دي او ماشومان ورسره ساتیروي. اوکراین د اګست میاشتې پر ۲۴مه نېټه خپله خپلواکي لمانځي. له نن څخه شپږ میاشتې وړاندې، د روسیې ولسمشر ولاديمیر پوتین کیف ته د روسي ټانکونو د ننوتلو امر وکړ. پوتین هغه وخت تمه درلوده چې اوکراین به یوازې په دریو ورځو کې ونیسي، خو داسې ونه شول او جګړه لا هم ادامه لري.

پر اوکراین باندې د روسیې تر یرغل وروسته، لا هم په دغه هيواد کې جګړه روانه ده او اوکرایني عسکر یې پر وړاندې مقاومت کوي. اوسمهال اصلي جګړه د اوکراین په ختیځ او جنوب کې ده. روسیې په دې موده کې خپل ګڼ شمیر پوځي تجهیزات هم له لاسه ورکړي دي.

تر دې وړاندې د روان میلادي کال په می میاشت کې هم د اوکراین په پلازمېنه کیف کې د دې هیواد د بهرنیو چارو وزارت ودانۍ ته څیرمه د روسیې د ویجاړ شویو پوځي تجهیزاتو یو نندارتون جوړ شوی وو ترڅو د اوکراینانو مورال لوړ کړي. د اوکراین دفاع وزارت ادعا کوي چې له ۱۹۰۰ ډېر روسي ټانکونه او د روسي ځواکونو تر ۴۲ زره ډیر عسکرو د انتقال زغروال موټر یې له منځه وړي دي. په خپلواکه توګه د دغو شمیرو تائید ناممکن دی.

د روان میلادي کال په جون او جولای میاشتو کې هم د اوکراین حکومت د پولنډ په وارسا او د چیک جمهوریت په پراګ کې هم ورته نندارتونونه تنظیم کړي ول. د اوکراین دفاع وزیر، اولیکسي ریزینکوف همدا راز په نورو اروپايي هیوادونو کې هم د دغه راز نندارتونونو د جوړولو وړاندیز کړی دی، ترڅو د خلکو په ذهنونو کې د جګړې یاد تازه پاتې شي.

پر اوکراین باندې د روسیې تر پوځي یرغل وروسته، په ځينو اروپايي هیوادونو کې روسي ټانکونه ورو ورو له صحنې څخه لیرې شول. د همدې کال په اګست میاشت کې د استونیا حکومت پریکړه وکړه چې د شوري اتحاد په دوران کې جوړ ټي-۳۴ ډوله ټانک چې د دې هیواد په شرقي ناروا ښار کې د روسیې پولې ته څیرمه د یوه یادګار په توګه پاته وو، لیرې کړی. د استونیا حکومت د دې کار دلیل عامه نظم ته ګواښ بللی وو.