د امریکا متحده ایالاتو د کانګرس د مشرې نانسي پلوسي ویاند ډریو هیمل، د فرانسې خبري آژانس ته ویلي چې د نانسي پلوسي میړه هغه وخت ټپي شو، کله چې یو بریدګر په کلیفورنیا کې د هغې کور ته ور ننوت او پر هغه یي د چکُش یا سټک په وسیله برید وکړ. په دغه برید کې د نوموړي سر مات شوی دی.
ویاند وویل چې په روغتون کې د ۸۲ کلن پال پلوسي جراحي عملیات ترسره شوي او هغه مخ په ښه کیدو دی. هغه وویل چې بریدګر د نانسي پلوسي په لټه کې وو، خو نوموړې د خپلو مسئولیتونو په لړ کې په واشنګټن کې وه او کله چې برید وشو په هغه وخت کې پال په کور کې یوازې و. سرچینو ویلي دي چې پلوسي او پنځه اولادونه یي سان فرانسیسکو ته رسیدونکي دي.
د سان فرانسیسکو د پولیسو مشر بل سکاټ وویل چې پولیسو بریدګر د شپې په دوه نیمو بجو د پلوسي په کور کې په داسې حال کې نیولی دی چې پال پلوسي د ځان د ژغورنې په خاطر له هغه سره مقابله کوله. هغه وویل چې شمکن کس لږ تر لږه یو ځل پال پلوسي په سټک وهلی دی.
اړوند:پلوسی: له قدرت څخه د ترمپ گوښه کولو له پاره کافي شواهد شتون لري
بریدګر ۴۲ کلن ډیوډ ډیپاپی، پيژندل شوي دی، خو پولیسو په دې اړه له جزویاتو ورکولو څخه انکار کړی دی.
د یادونې وړ ده چې پال پلوسي په می میاشت کې په یوه ترافیکي پيښه کې د ګرم بلل کیدو له کبله په پنځه ورځې بند محکوم شوی و. هغه په داسې حال کې چې شرابو نشه کړی و موټر یي چلولی و.
د ولسمشر بایډن غبرګون کله چې ولسمشر جو بایډن ته د دغه برید خبر ورسید، نو په دې وخت کې هغه په فلادلفیا کې یوې غونډې ته وینا کوله. نوموړي دغه برید د کرکې وړ وباله او وې ویل چې په امریکا کې د سیاسي تشدد له پاره هیڅ ځای نشته. هغه وویل: «د هر شي له پاره یو حد وي.»
د امریکا ولسمشریزې ټاکنې – د نړۍ هغه مشران چې بایډن ته یې لا مبارکي نه ده ویلې
په اروپا، منځني ختیځ او اروپا کې د امریکا یو شمیر سترو او مهمو متحدینو ډیر ژر د امریکا نوي ټاکل شوي ولسمشر جو بایډن ته مبارکي وویله خو لا هم یو شمیر مشرانو بایډن ته مبارکي نه ده ویلي. انځور: Alexei Druzhinin/dpa/picture-alliance د چین ولسمشر – شي جین پینګ چین ویلي چې د امریکا د ولسمشریزو ټاکنو د ټولو قانوني پړاونو تر پای ته رسیدو پورې غواړي په دې هکله له تبصرې ډده وکړي. د چین د بهرنیو چارو د وزارت ویاند وانګ وینبین د یوې خبرې ناستې په ترڅ کې وویل: «موږ خبر شوي یو چې ښاغلي بایډن په ټاکنو کې د بریا اعلان کړی دی.» نوموړي همدا راز زیاته کړې چې موږ [چین] په دې پوهیږو چې د امریکا د ټاکنو پایلې به د امریکا د قوانینو او کړنلارو وروسته روښانه او نهايي شي.»
انځور: Ju Peng/Xinhua/picture-alliance د روسیې ولسمشر – ولادمیر پوتین د پوتین ویاند دیمتري پیسکوف خبریالانو ته ویلي چې کرملین تر هغه د جو بایډن پر بریا له تبصرې ډډه کوي ترڅو چې د ټاکنو پر وړاندې ټولې ننګونې حل شوي نه وي او پایلې په رسمي توګه اعلان شي. پیسکوف خبریالانو ته ویلي: «ځینې مشخص قانوني پړاونه هلته په مخ کې دي چې د اوسني ولسمشر له لوري یې اعلان شوی، له همدې کبله وضعیت بل ډول دی او موږ فکر کوو چې دا به سمه پریکړه وي چې د ټاکنو رسمي پایلو ته انتظار وباسو.»
انځور: Alexei Druzhinin/dpa/picture-alliance د برازیل ولسمشر – جایر بولسونارو د برازیل ښي اړخي ولسمشر ویلي وو چې هغه به په نړۍ کې لومړی کس وي چې دونالد ترمپ ته مبارکي ووايي، خو هغه هم تر اوسه پورې د بایډن پر بریا چوپه خوله پاتې دی. د برازیل مرستیال ولسمشر هامیلتون ماوراو خبریالانو ته ویلي: «زه فکر کوم چې ولسمشر انتظار باسي څو د درغلۍ شویو رایو کشمکش حل شي.» د هغه په خبره ولسمشر بولسونارو به په ښه وخت کې بایډن ته مبارکي ووايي او وبه ګورو چې د ترمپ دعوه څنګه کیږي.
انځور: Marcos Corrêa/Presidência da República do Brasil د مکسیکو ولسمشر – اندریس مانویل لوپیز اوبرادور لوپیز اوبرادور ویلي چې د مکسیکو د اساسي قانون له مخې هغه نه شي کولی ترڅو چې د امریکا د ټاکنو قانوني ستونزې حل شوې نه وي، د امریکا نوي ټاکل شوي ولسمشر ته مبارکي ووايي. لوپیز په یوه خبري ناسته کې وویل: «څرنګه کیدلی شي چې د مکسیکو ولسمشر قاضي شي او ووايي چې «دغه نوماند ګټلې ده؟» سربیره پر دې لوپیز اوبرادور په لنډو ټکو کې د امریکا د نوي ټاکل شوي ولسمشر په توګه د بایډن یادونه وکړه.
انځور: Reuters/H. Romero د شمالي کوریا رهبر – کیم جونګ اون تر اوسه پورې د بایډن د بریا په هکله کیم جونګ اون څه نه دي ویلي. د دوشنبې تر ورځې پورې د شمالي کوریا دولتي رسنۍ د امریکا د ټاکنو په هکله چوپه پاتې وه. په ۲۰۱۶م کال کې هغه مهال چې دونالد ترمپ د امریکا ولسمشر وټاکل شو، شمالي کوریا تر دوو ورځو پورې هیڅ هم نه ویلي. تر دې وړاندې، کیم جو بایډن د کمې حافظې لرونکی احمق یاد کړی وو او بایډن بیا د شمالي کوریا رهبر کیم جونګ اون یو بد مجرم بللی وو.
انځور: Reuters/KCNA د سلوانیا لومړی وزیر – یانیس یانشا د سلوانیا د دموکراتیک ګوند مشر، ښي اړخی او د مهاجرینو ضد څیرې د رایو تر شمیرنې تر پای ته رسیدو وړاندې ولسمشر ترمپ بریالی ګڼلی وو او نوموړي تر اوسه پورې د امریکا د ولسمشریزو ټاکنو په ترڅ کې بایډڼ ته لا مبارکي نه ده ویلي. یانشا په امریکا کې پر دموکراتانو د تکراري درغلیو تورونه هم پورې کړي دي. هغه په یوه ټویټری پیغام کې لیکلي چې د دې سربیره سلوانیا له واشنګټن سره د دوستانه اړیکو هیله لری.
انځور: picture-alliance/AP Photo/M. Leskovsek
د بایډن مطبوعاتي سکرتر په یوه اعلامیه کې ویلي: «هغه خوښ دی چې پال په بشپړ ډول مخ په ښه کیدو دی، ولسمشر هر ډول تشدد غندي. هغه وايي چې د پلوسي د کورنۍ محرمیت ته باید درناوی وشي.»
امریکایي سیاستوالو ته ګواښونه زیاتیږي یوه دولتي چارواکي رسنیو سره په خبرو کې وویل چې بریدګر په ټولنیزو رسنیو کې د ښي اړخي افراطیت په ملاتړ پوستونه کړي و، د هغو له جملې څخه د کرونا وبا اړوند د توطیه یي تئوریګانو خبره شوې وه.
امریکا کې منځمهاله ټاکنو ته له دوو اونیو څخه هم لږ وخت پاتې دی او د دواړو ګوندونو سیاستوالو د سیاسي تشدد په اړه له انديښنو څخه خبرداری ورکړی دی.
په واشنګټن کې د کیپټل هل پولیسو په حواله د قانون جوړونکو پر وړاندې ګواښونه د ۲۰۱۷م کال په پرتله له دوه برابرو هم زیات شوي او په ۲۰۲۱م کال یې شمیر نږدې ۱۰۰۰۰ ته لوړ شوی دی. یو شمیر کسان په دې نظر دي چې دغه بریدونه په سیاسي بیانبازیو کې د زیاتیدو پایله ده.
آژانسونه: ش.ن/ ا.و.ا
