د کاتولیک کلیسا روحاني مشر، پاپ فرانسیس د يکشنبې په ورځ (د مارچ ۲۷مه) د واتيکان په سن پيترو میدان کې خلکو ته په وینا کې د افسوس په ښکاره کولو سره په اوکراين کې جګړه یوه «ظالمه او بې معنی جګړه» وبلله. هغه یو ځل بیا د جګړې د ژر تر ژره پای غوښتونکی شو.

د يکشنبې په ورځ په ګرجستان کې يو شمیر خلکو په نڅاوو سره د جګړې ضد مظاهرې وکړې. دوی د روسيې د ولسمشر، ولادیمیر پوتین په څيره جوړه شوې نانځکې ته اور واچاوه.

ماریوپول ښار د اوکراین یو له هغو ښارونو څخه دی چې د روسي ځواکونو په بمباريو او بریدونو کې تر ټولو ډير ويجاړ شوی دی.

د ملګرو ملتونو سازمان وايي دوی د اوکراین په جګړه کې تر اوسه د ۱۱۱۹ ملکيانو وژنه او د ۱۷۹۰ ملکیان ټپي کیدل ثبت کړي دي. دغه خبره په ژنیف کې د ملګرو ملتونو سازمان د بشر حقونو د عالي کمشنرۍ دفتر د مارچ په ۲۷مه وکړه.

د ماريوپول ښار چارواکو د تيرې اوونۍ په پاې کې ادعا وکړه چې په دغه ښار کې تر ۲۰۰۰ ډير ملکيان په جګړو کې وژل شوي دي.

فرانسه، ترکيه او یونان پر یو ګډ«بشري ماموریت» کار کوي تر څو په ماریوپول کې بند پاتې شوي ملکیان د امن کوریدورونو په رامنځ ته کولو سره راوباسي. دغه خبره د فرانسې ولسمشر، امانويل مکرون کړې ده. په ماریوپل کې شاوخوا ۱۷۰ زره ملکیان بند پاتې دي.

روسيې د يکشنبې په ورځ وويل چې د اوکراین په جګړه کې يې ۱۳۵۱ عسکر وژل شوي دي. په انځور کې په ماريوپل ښار کې يو سوځيدلی ټانک ښکاري. انځور د شنبې ورځې د مارچ ۲۶مې دی.

د اوکراین د اودیسه ښار پر یوه واټ، دغه ښار ته د روسيي ځواکونو د مخنيوي له پاره اوسپنیزې موانع اچول شوي دي.

د اوکراین په ليویف ښار کې ځایي خلکو د روسيي ټانګونو پر وړاندې پر لارو د ټانګ ضد موانع لګوي. دوی وايي په دې کار سره غواړي د روسي ځواکونو د يرغل پر وړاندې د خپل ښار او د اوکراین د نورو ښارونو ساتنه وکړي.

د اوکراین په اوديسه کې يو شمیر داوطلب ملکيان چې غواړي د روسي ځواکونو پر ضد وجنګیږي، د وسلو د استعمال زده کړه کوي.

د بریتانیا دفاع وزارت د دوشنبې په ورځ ادعا وکړه چې روسي ځواکونو د تیرو ۲۴ ساعتونو په جریان کې هيڅ ډول پرمختګ نه دی کړی. دغه وزارت ويلي دي چې د روسي ځواکونو د ضعیف مورال او د امکاناتو د کمښت له وجې پرمختګ نه دی کړی. خو زیاته کړې ېې ده چې د ماريوپل ښار په اطرافو کې درنه جګړه ادامه لري.

د اوکراین ولسمشر ولاديمیر زیلنسکي د دوشنبې شپې په وینا کې وويل چې روانه اوونۍ په ترکیه کې د اوکراین او روسيې د سولې په مذاکراتو کې به «ملي حاکمیت او ځمکنۍ بشپړتیا» د دوی لومړیتوب وي. هغه همدارنګه وويل: «موږ د سولې په لټه کې يو، په ريښتا، له ځنډ پرته.» زیلنسکي زیاته کړه چې په ترکيه کې د سولې مذاکرات د مخامخ خبرو له پاره یو ښه فرصت دی.

د می نهه نیټه چې هر کال د روسي کورنيو له لوري د «بريا د ورځې» په توګه د شخصي یادونو سره لمانځل کيږي، خو حکومت تل هڅه کوي چې دا ورځ د خپلو سياسي موخو له پاره وکاروي. دا څرګندونې په خټه روسی کارپوه اليکس يوسپوف، وکړي. د روسیې ولسمشر ولاديمير پوتين، د جمعې په ورځ د می ۹مه د مسکو په سره مېدان کې د پوځي پریټ پر مهال پر اوکراين د بريا خبره وکړه.

د يو شمیر کارپوهانو په آند پوتين، هڅه کوي چې دا پريټ تر ډېره بريده «نړيوال ښکاره» کړي او نړيوال مشران به هم دلته د دغه بريا د لمانځلو په موخه راځي. خو پوتين هڅه کوي د هغوی له حضوره څخه د يوه ابراز په توګه ګټه پورته کړي. په دې انځور کې له پوتین سره له پوځي پريټ څخه د کتنې پر مهال د هغه نژدې متحدینو له هغې جملې څخه ېې چینايي سیال شی جین پینګ، هم حضور درلود

په انځور کې د رهبرانو په ډله کې د چین ولسمشر شي جین پينګ، د تاجیکستان ولسمشر امامعلی رحمانوف، او د سلواکیا صدراعظم رابرت فیتسو، هم لیدل کیږي.

پوتین له خپلو کلیدي متحدینو سره په دوهمه نړېواله جګړه کې د نازي آلمان پر ضد د پخواني شوروي اتحاد د بریا ۸۰مه کلیزه لمانځي. له کيڼ څخه ښي پر لور: د روسیې ولسمشر ولادیمیر پوتین، د چین ولسمشر شي جین پینګ، د قزاقستان ولسمشر صدر جباروف، د قزاقستان ولسمشر قاسم جومارت توقایف، د بلاروس ولسمشر، الکساندر لوکاشینکو او د ارمنستان صدراعظم نیکول پاشینیان.

مخکې له دې چې په پریټ کې زغروال وسایط او ټانکونه وښودل شي، روسي عسکر ځانګړي پوځي مراسم ادا کوي

په دغه انځور کې د روسي فوینیکس زغروال جنګي موټر او د لنزا په نوم زغروال امبولانس لیدل کیږي چې د مسکو په سره مېدان کې د پوځي پریټ پر مهال تېریږي.

رپوټونه وايي د مسکو په پوځي پريټ کې هغه ماډل ډرونونه او ټانګونه وښودل شول چې په اوکراین جګړه کې کارول شوي دي.

په مسکو کې د ۲۰۲۵م کال د می میاشتې په ۹مه د نازي آلمان پر وړاندې د پخواني شوروي اتحاد د بریا په مناسب پوځي پریټ. په دغه انځور کې د مختلفو پوځي واحدونو ځواکونه لیدل کيږي.

په دغه انځور کې د روسي عسکر د می نهمې پوځي پریټ پر مهال د لوژ له مخې د تېرېدو په حال کې لیدل کيږي

روسیه معمولا خپل د پوځي پريټ مراسم د مسکو په سره میدان کې ترسره کوي. روسیه په دا ډول سترو پوځي مراسمو کې خپل پوځي قوت هم نندارې ته وړاندې کوي.

روسیه په پوځي پریټ کې خپل ډول ډول توغندي هم ښيي. د آرشیف په دغه انځور کې د روسي اس-۴۰۰ ترویمف ډوله له ځمکې څخه هوا ته ويشتونکي توغندي ښودل کيږي

د بلاروس ولسمشر، الکساندر لوکاشینکو چې د پوتین له نژدې متحدینو څخه دی، د می په ۹مه له پوتین سره د روغبړ پر مهال

دوهمه نړېواله جګړه کې د نازي آلمان پر وړاندې د پخواني شوروي اتحاد د بریا ۸۰مې کلیزه؛ د مصر ولسمشر، عبدالفتاح السیسي هم په دغه مناسبت د می میاشتې په ۹مه په مسکو کې له پوتین سره وليدل.

د سربیا ولسمشر، الکساندر ووچیچ هم مسکو ته ورغلی. هغه په سره مېدان کې د پوځي پریټ له پېلیدو مخکې د مراسمو ځای ته وروان دی.

د ونیزویلا ولسمشر، نیکولاس مادورو، هم د می په ۹مه په مسکو کې د روسې پوځي پريټ په مراسمو کې حضور درلود.