امريکا ـ زيانمنو مېرمنو ته مليوني ډالره تاوان ورکول کيږي
۱۴۰۱ مهر ۱۶, شنبه
د امریکا په متحده ايالاتو کي دوه روغتونونه کابو ۱۵۰ مېرمنو ته د ورته رسېدلي جنسي ازار له کبله په مليونونو ډالره تاوان ورکوي. دغه مېرمنو پر یو ډاکټر د جنسي تېري او بداخلاقيو تور لگولی ؤ.
آرشيف انځور ـ پر پخواني ډاکټر د جنسي ازار تورونه لگول سوي ديانځور: picture alliance / ASSOCIATED PRESS
اعلان
د امريکا د متحده ايالاتو په نيويارک ايالت کي دوو روغتونونو د اکتوبر په ۷ مه نېټه ۱۴۷ پخوانيو تر علاج لاندي مېرمنو ته د ۱۶۵ مليونو ډالرو تاوان ورکولو باندي تفاهم وکړ. دا هغه مېرمني دي چي په دغو روغتونونو کي مؤظف يو پخواني د مېرمنو د ناروغيو ډاکټر يا جينوکولوجيست باندي يې د جنسي تېري او ورسره بداخلاقي کولو تورن لگولو ؤ.
د ياد تفاهم له مخي د تاوان لپاره يو صندق جوړ کړل سوی دی چي پکښي موجودي پيسې به پر اغېزمنو سوو مېرمنو ويشل کيږي. په دغو کي په لسونو هغه مېرمني هم شاملي دي چي په ښکاره توگه يې په ياده قضيه کي د روغتونونو پر اړونده شبکه حقوقي دعوی کړې وه.
خو ياد ډاکټر د دوو لسيزو په جريان کي پر لسونو ځوانو مېرمنو باندي د جنسي تېري له کبله د مرکزي حکومتي ادارو د تورونو سره هم مخامخ دی. څارنوالانو هغه ته په خپلو تورونو کي »په سپينو جامو کي د ښکاري« خطاب کړی دی.
د ولسمشريزو ټاکنو پخواني کانديد او د نيويارک ښار د پخواني ښاروال اينډريو يانگ مېرمنې هم پر ياد ډاکټر د جنسي زهيروني تور لگولی ؤ، کله چي هغه په ۲۰۱۲ کال د نوموړي ډاکټر تر درملنې لاندي وه.
د اړونده روغتيايي ادارو له خوا ويل سوي دي چي د نسايي امراضو په شعبو کي به د تيرو لسيزو پر پاليسيو له سره غور وکړي او د ناروغانو د تحفظ د بهتره کولو اقدامات به وکړي.
آ./ا.ا./ن.ص.
کومو ښځينه ستورو پر واينستين د جنسي زهيرونې تور لګولی؟ ـ انځوريز البوم
د اوسکار فلمي جايزه ګټونکې گوئینت پالترو وايي چي د اېما فلمونو د شرکت له پاره د غوراوي يوې سيالۍ ته د واينستين له خوا دعوت کړله سوه. هغه تور لګوي چي د ملاقات پر وخت يې پر هغې لاس واچاوه او ورته ويې ويل: «څوک بايد اوس د مساج لپاره د خوب خوني ته ولاړ سي.» پالترو وايي چي دا هغه وخت ؤ چي دا لا ماشومه وه او د دغې خبري په اورېدو يې سخت ټکان وخوړ.
انځور: Getty Images/F. Harrison
انجلينا جولي
انجلينا جولي د نيويارک ټايمز سره په يوه مرکه کي وويل: «ما په خپل پيغلتوب کي د هاروي واينستين سره د کار کولو پر وخت خرابې خاطرې ودرلودلې. په پايله کي يې ما پرېکړه وکړه چي نور د واينستين سره کار ونکړم. ما نورې (ممثليني) هم خبرداره کړې.»
مادله او ممثله کارا دلوین پر ټويټر ليکلي: «د يوې غونډي وروسته هغه زه پاته کړم چي راسره خبري وکړي. نور ټول ولاړل. کله چي صرف موږ دوه یوازي ؤ نو يې راته وويل چي د څومره زيات شمېر ښځينه ايکټرانو سره بيده سوی دی او دا چي هغوی څنګه بریالۍ او مشهوري ايکټراني سوې.»
انځور: Wilson/Getty Images
ليا سيدو
فرانسوۍ ممثله ليا سيدو په بريتانوۍ ورځپاڼه ګاردين کي ليکلي: «کله چي موږ په کاوچ کي په خبرو بوخت ؤ، هغه ځان پر ما راواچاوه او کوښښ يې وکړ چي ما ښکل کړي. ما په ډېر زور سره هغه له ځان څخه ليري کړ او له کوټې ووتم.»
انځور: Tsuji/Getty Images
آزیا آرجنتو
ايتالوۍ ممثلي او فلمي دايريکتري آزيا آرجنتو هم د هاروي واينستين سره ګډ کار کړی دی. د هغې په وينا واينستين پر هغې جنسي تېری وکړ.
انځور: picture alliance / landov
ګڼ شمېر نوري دوسيې او تورونه
ګڼ شمېر نورو مېرمنو لکه سوفي ديکس، روژانا ارکته، ميرا سوروينو، جوی بروک، امبرا بتيلانا، روملا ګارايي، کاترين کايندل، روږ مایکاګاوان، لورن سيوان، دون داوين، ليزا کامبل او تامي آن رابرتز هم په واينستين د جنسي زورزياتي تورونه لګولي دي.
