لویید استین د په اصطلاح اوکراین د تماس ډلي سره د لیدو پر وخت ټینګار وکړ چي اوکراین ته به نور لازم نظامي تجهیزات ورکوي او د امریکا متحده ایالات او ناټو د خپلو دغو کومکونو د دوامداره ورکولو ضمانت کوي.
په خبره یې دغه ګډ قاطعیت به په راتلونکو هفتو کي د اوکراین دفاعي وضعیت لا ډیر پر تحرک راولي او تقویه کړي. موږ به د اوکراین سره کومک وکړو چي د روسیې د پسرلني عملیاتو په مقابل کي ودریږي او مخته ولاړ سي. استین همدارنګه وویل، روسیه په ناکامۍ سره کوښښ کوي چي د غربیانو اتحاد او قاطعیت «مات» کړي.
پدې ارتباط یو بل مطلب: ستولتنبيرګ: اوکراين د ناټو تر توليد ډېر مهمات کاروي
د تر۵۰ هیوادونو پوري د بروکسل خبري د په اصطلاح رمشټاین ډول، کوم چي د جرمني په راین لنډ فالتڅ ایالت کي د امریکا د هوايي اډې په نامه نومول سوی دی، د امریکا متحده ایالاتو د دفاع وزیر، لویید استین له خوا یې رهنمايي کیږي.
په برکسل کي د ناټو ددفاع وزیرانانځور: Johanna Geron/REUTERS دلته خبره تر ټولو دمخه اوکراین ته د وسلو د لیږلو د تنظیم پرسر ده. په دغه ملاقات کي د اوکراین د دفاع وزیر، اولیکسی ریزینیکوف هم برخه اخیستې ده. د جنګي ټانکونو تر ورکولو وروسته اوکراین اوس د غرب له خوا ورته د جنګي جیټ طیارو د ورکولو کوښښ هم کوي.
اوکراین ته د دافع هوا ټانکونو د مرمیو فرمایش ورکول سوی
جرمني اوکراین ته د دافع هوا ټانکونو د نورو مرمیو فرمایش ورکړی دی. دغه خبره د دغه هیواد د دفاع وزیر بوریس پیستوریوس، د اوکراین د تماس ډلي سره د ملاقات پر وخت وکړه. دا پدې معنی چي «موږ به اوس بیرته بیله وقفې څخه د په اصطلاح جنګي ټانکونو د مرمیو تولید په خپلو فابریکو، یعني د راین میټال سره شروع کړو. او هغه به سمدلاسه شروع سي».
د اوکراین په جنګ کي د شاملیدو په هکله یو مطلب: آیا المان په اوکراين کې د جګړې په یوه «اړخ» بدلیږي؟
د مرمیو د ورکولو قراردادونه په جرمني کي د اوکراین د نمایندګانو له خوا امضأ سوي دي. جرمني د پروسږکال دوبي راهیسي جنګي ټانکونه اوکراین ته لیږي. خو د هغوی مرمۍ لږ دي. د نوو مرمیو د تولید په خاطر د راین میټال تسلیحاتي شرکت یوه بله فابریکه اوس په نیدرزاکسن ایالت کي جوړه کړې ده.
زیلنسکي د نورو تسلیحاتو د ورکولو هیله مندي لري
د اوکراین جمهوررئیس، ولود یمیر زیلنسکي د اوکراین د تماس ډلي د جلسې پر مهال د داسي تصمیم نیولو امیدواري لري چي هیواد ته به یې نوري وسلې هم ولیږل سي. هغه د خپل ویدیويي پیغام له لاري وویل: « موږ پردې باندي کار کوو چي زموږ ټولي معاملې زموږ د ملګرو له خوا د تسلیحاتو د ورکولو پر قراردادونو باندي راوګرځي او هغه منعکس کړي».
د زیلنسکي اشاره نن سه شنبه په بروکسل کي د اوکراین د تماس ډلي جلسې ته وه، خو د پروسږکال د فبرورۍ پر ۲۴ مه پردغه هیواد باندي د روسیې د حملې د یوکال پوره کیدو په مناسبت لا ډیرو خبرو ته هم وه. زیلنسکي وویل، چي نوی دوه اړخیزه خبري او ملاقاتونه هم پلان سوي دي».
زموږ د آرشیف څخه یو تصویري البوم:
د ناټو ائتلاف او روسیې مقايسه: څوک ډېر پیاوړی دی؟
د ناټو ائتلاف او روسیې ترمنځ د ځواک توازن څرنگه دی؟ کوم يو ډېري وسلې او عسکر لري؟ په دې اړه دويچه ويله د ستراتيژيکو مطالعاتو له نړيوال انستيتوت او نورو سرچينو څخه ارقام راټول کړي چې په دې انځوريز راپور کې وړاندي کيږي.
انځور: REUTERSروسيه ۱۸۰۰ داسي توغندي يا راکټونه لري چې د اتومي سرگولولو د ليږد توان لري. ناټو ائتلاف بيا په ټولیزه توگه ۲۳۳۰ دغه ډول راکټونه لري چې له دې څخه يې دوه زره له امريکا متحدو ايالاتو سره دي.
ناټو ائتلاف په ټوليزه توگه شا او خوا درې نيم ميليونه عسکر لري چې تر ۱،۶ ميليونه زيات يې د اروپايي هيوادونو په پوځونو کې، ۳۸۲ زره د ترکیې په پوځ او تقريباً څه کم ۱،۴ ميليونه يې د امريکا د پوځ عسکر دي. د دې په پرتله د روسیې د عسکرو شمير۸۰۰ زرو ته رسیږي.
د روسیې د ټانکونو شمير کابو ۱۵ نيم زره دی. دا په داسې حال کې ده چې د ناټو هيوادونه په ټولیزه توگه شا او خوا ۲۰ زره ټانکونه لري. په دې کې ۲۵۰۰ ترکي او ۴۰۰۰ امريکايي ټانکونه هم شامل دي.
روسيه په يو وار د څو راکټونو د فایرولو توان او کابو ۳ زره ۸۰۰ راکټ لانچر لري. ناټو بيا ۳۱۵۰ دغه ډول راکټ لانچر لري چې له دې څخه ۸۱۱ د ترکیې له پوځ سره دي.
روسيه ۴۸۰ جنگي څرخي الوتکې لري. د ناټو متحدين بيا تر ۱۳۰۰ زياتې څرخي الوتکې لري چې له دې څخه کابو ۱۰۰۰ د امريکا له پوځ سره دي.
د ناټو ائتلاف په تولیزه توگه ۴۷۰۰ بم غورځونکې الوتکې لري. له دې څخه کابو ۲۸۰۰ د امريکا متحدو ايالاتو، ۱۶۰۰ د ناټو د اروپایي غړو او ۲۰۰ له ترکیې سره دي. روسيه بيا ټول ټال ۱۴۰۰ دغه ډول طيارې لري.
د روسيې د جنگي الوتکو شمیر کابو ۷۵۰ ته رسيږي. ناټو بيا په ټولیزه توگه کابو ۴۰۰۰ جنگي الوتکې لري. په دې کې د امريکا ۲۳۰۰ او د ترکيې ۲۰۰ جنگي الوتکې هم شاملې دي.
روسيه يوازي يوه الوتکې ليږدونکې بيړۍ لري، خو ناټو ائتلاف دا ډول ۲۷ بيړۍ لري.
د ناټو د غړو د جنگي کښتيو شمېر په ټولیزه توگه ۳۷۲ ته رسيږي چې له دې څخه ۲۵ د ترکیې، ۷۱ د امريکا، ۴ د کاناډا او ۱۶۴ د ناټو د اروپايي هيوادونو له سمندري ځواکونو سره دي. روسيه بيا د سلو په شا او خوا کې جنگي کښتۍ لري.
د ناټو غړي هيوادونه کابو ۱۶۰ اوبتلونه لري. د روسیې د اوبتلونو شمېر بيا ۶۰ ته رسیږي. د ناټو د ټولو اوبتلونو څخه یې ۷۰ د امريکا، ۱۲ د ترکیې او ۷۲ د نورو اروپايي غړو هيوادونو سره دي.
د روسیې او ناټو دفاعي بودجه هم د مقايسې وړ نه ده. د روسیې دفاعي بودجه يوازې ۶۶ ميليارده ډالره ده. دا په داسې حال کې ده چې د امريکا دفاعي بودجه ۵۸۸ ميليارده ډالرو ته رسيږي. د ناټو ائتلاف ټولیزه بودجه کابو ۸۷۶ ميليارده ډالر ده.
