د روغتیا نړیوال سازمان د یوه رپوټ په حواله د ځمکې پر مخ تر ټولو ډیر کثافت د تمباکو له مصنوعاتو څخه خپریږي او په هغه کې موجود په زرګونو کیمیاوي مواد چاپیریال ته ډیر زیان رسوي.
انځور: picture-alliance/AP Photo/N. Y. Huh
اعلان
دغه نړیوال سازمان د تیرې سه شنبې په ورځ د تنباکو د مخنیوي د نړیوالې ورځې په مناسبت په خپل تازه راپور کې ویلي دي چې هر کال اته میلیونه انسانان د تمباکو څکولو په سبب رامنځته کیدونکو ناروغیو له امله خپل ژوند له لاسه ورکوي. په رپوټ کې زیاته شوې ده چې د تمباکو مصنوعاتو د تیارولو او استفادې په پایله کې، نږدې ۶۰۰ میلیونه ونو، ۲۰۰ زره هکټاره ځمکې او ۲۲ میلیارده ټنه اوبه ضایع کیږي.
د تمباکو د استعمال یا تولید په پایله کې په نړیواله کچه د ګلخانه یي یا شین کوریزو ګازونو په تولید کې هم زیاتوالی رامنځته شوی دی. د تمباکو صنعت له امله هر کال ۸۴ میلیونه ټنه مضره کاربن ډای اکسایډ فضا ته افرازیږي.
د روغتیا نړیوال سازمان په رپوټ کې خبرداری ورکړل شوی دی چې «هر کال په کومه اندازه کاربن ډای اکسایډ چې تجارتي هوایي شرکتونو یي تولیدوي، د هغې د پنځمې برخې په اندازه د تمباکو د صنعت له لارې تولیدیږي. په دې کې د تمباکو تولید، پروسیس او ترانسپورت شامل دي چې په نړیواله تودوخه کې د زیاتوالي سبب کیږي.»
د سگریټو پر قُطیو زړه بوږنونکي انځورونه
په ځينو هیوادونو کې له پخوا څخه لا داسي انځورونه چاپ سوي، خو په آلمان کې سگریټ څکونکي له می میاشتي راهيسي د دا ډول بیرونکو انځورونو شاهدان دي. د دې کار هدف د سگریټو زیانونو ته د سگریټ څکونکو پام را اړول دي.
انځور: Imago/Kyodo
یوزاې لیکل کفایت نه کوي
تر اوسه پورې به په آلمان کې د سگریټو د قطۍ په یوه څنډه کې (تماکو څکول وژونکی ثابتیدلای شي) دې ته ورته یوه جمله لیکل شوې وه. د مې تر ۲۰ وروسته د سگریټو د هرې قطې دوه پر دریمه برخه به داسې انځورونه کښل کیږي، چې ځوان نسل د تمباکو څښلو له پیلولو څخه مخکې د هغې له زیانونو څخه وبیروي. په دې توگه آلمان د اروپایې اتحادیې د ۲۰۱۴ کال مقررې ته عملي بڼه ورکړه.
انځور: picture-alliance/dpa/A. Warmuth
د یوه کال مهلت
د دې انځور پیغام دا دی چې سگریټ څښل د غاښونو له پاره زهر او قاتل دی. د سگریټو د قطۍ دوه پر دریمه برخه باید دا ډول انځورونه ولري. تر راتلونکي یوه کاله پورې د سگریټو بې انځوره قطې هم په دوکانونو او مغازو کې د پلورل کیدو مهلت لري. خو وروسته له یوه کال څخه به د دغه زړه بوگدونکو انځورونو څخه پرته په آلمان کې د سگریټو قطې موندل ناممکنه وي.
انځور: picture-alliance/dpa
د سگریټ پر اعلانونو هم بندیز
په آلمان کې د یوه نوي قانون له مخې په عمومي ځایونو کې او همدارنگه په هغو سنیماگانو او تیاترونو کې چې تر ۱۸ کلنې د کم عمر درلودونکي ماشومان هم په کې د فلم لیدلو اجازه لري د سگریټو د مشهورتیا اعلانونو او لوحو نصبول منع کړای شي دي. سیاستوال هیله مند دي چې تر دغو اقداماتو وروسته به ځوان نسل سگریټو ته له نږدې کیدو څخه هم ځان وساتي.