د یادولو وړ ده چې د امریکا د نوي ولسمشر جو بایدڼ د روغتیا د برخې ستر سلاکار انټوني فاوچي د جنورۍ میاشتې به ۲۱مه نیټه ویلي وو چې د امریکا د پخواني ولسمشر دونالد ترمپ پالیسي ردوي او په «کویکس» پروګرام کې به امریکا بیرته شامله شي.
انځور: Martial Trettini/KEYSTONE/picture alliance
د روغتیا نړیوال سازمان د «کویکس» په نامه په خپل دغه پروګرام سره غواړي چې روان میلادي کال د بې وزله هیوادونو د ټول نفوس لږ تر لږه ۲۰ فیصده وګړو ته د کرونا واکسین ورکړي. تر دې وړاندې، د همدې اونۍ په سر کې د روغتیا د نړیوال سازمان مشر پر بډایه هیوادونو باندې د کرونا واکسین د ذخیره کولو له کبله سختې نیوکې کړې وې.
له اقتصادي ګټې پرته یو اقدام
د فایزر په نامه د کرونا واکسین د امریکايي شرکت مشر البرټ بورلا، په ژنیف کې دغه کنفرانس ته د ویډیو تماس له لارې وویل چې د دغه وکسین لومړۍ جوپه به د اقتصادي ګټې په نه پام کې نیولو سره انتقال شي. بورلا زیاته کړه: «د نړۍ د نورو هیوادونو په څیر، د کرونا واکسین باید د پرمختللو هیوادونو په اختیار کې هم ورکړل شي.»
له ژنیف څخه دغه معلومات داسې مهال خپریږي چې د نړۍ ګڼ شمیر بډایه هیوادونه د کرونا واکسین د رانیولو له پاره په میلیونونو ډالر مصرفوي. بل لوري ته یو شمیر هیوادونو د دوه اړخیزو تړونونو په اساس د کرونا واکسینونه ترلاسه کړي دي.
DPA-Reuters-AFP /KH-AWA
زموږ له آرشیف څخه:
د بدن مدافع سیستم په قوي کولو سره له کرونا ځان وژغورئ
که څه هم د کرونا ویروس د یوې نړیوالې وباء شکل غوره کړی دی، خو بیا هم په دې برخه کې باید ډیر تشویش ونه لرو. تر ټولو مهمه خبره دا ده چې خپل صحت او روغتیا ته متوجه اوسو.
انځور: Imago Images/photothek/U. Grabowsky
خپل د بدن مدافع سیستم پیاوړی کړئ
د طبابت له مخې هغه کسان چې د بدن مدافع سیستم یې کمزوری وي، د هر ډول ویروس له حملې سره مخامخ کیدلی شي. ویټامي C د بدن د مدافع سیستم په پياوړی کولو کې مهم رول لوبوي. د دې موخې له پاره د لیمو او نورو میوه جاتو استعمال مهم دی.
انځور: Fotolia/Dino Osmic
د زنجبیل او لیمو اوبه
د زنجبیل (ادرک) څو کوچنۍ ټوټې د لیمو له اوبو سره تر یوځای کولو ورسته په یوه ګیلاس ګرمو اوبو کې واچوئ او بیا یي لږ لږ وڅښئ. په دې توګه تاسې کولی شئ چې په ورځ کې یو یا دوه ګیلاسه داسې اوبه وڅښئ. دا خبره مهمه ده چې په داسې حالاتو کې باید ډیرې اوبه وڅښلای شي.
انځور: Imago Images/Rüdiger Wölk
د زینک یا روی ګولۍ
د بدن د مدافع سیستم د پیاوړی کولو له پاره د Vitamin D3 او زینک ګولیو استعمال ډیر مهم دی. دې موخې له پاره تاسې کولی شئ د شپې له خوا ۱۵ ملي ګرامه د زینک ګولۍ وخورئ.
انځور: imago images/McPHOTO
لازم واټن وساتئ
په آلمان کې له ناروغیو سره د مقابلې ادارې «رابرټ کُخ انیستیتوت» مشر په یوه تلویزوني مرکه کې ټینګار وکړ چې په عامه یا ولسي اجتماعاتو کې له ګډون کولو څخه ځان وساتئ. هغه وویل چې له نورو انسانانو څخه لږ تر لږه د ۲ مترو واټن ساتل له دې ناروغۍ څخه د ځان ساتنې له پاره ډیر مهم دي.
انځور: Reuters/E. Lopez
ځان له مکروبونو وساتئ
په آلمان کې له ناروغیو سره د مقابلې ادارې «رابرټ کُخ انیستیتوت» مشر په یوه تلویزوني مرکه کې ټینګار وکړ چې په عامه یا ولسي اجتماعاتو کې له ګډون کولو څخه ځان وساتئ. هغه وویل چې له نورو انسانانو څخه لږ تر لږه د ۲ مترو واټن ساتل له دې ناروغۍ څخه د ځان ساتنې له پاره ډیر مهم دي.
انځور: AFP/S. Bozon
له سکو او بانک نوټونو سره احتیاط وکړئ
زمونږ لاسونو ته چې کوم بانک نوټونه او سکې رارسیږي هغه په لسګونو او حتی سلګونو لاسونو څخه تیر شوي وي، نو له همدې امله د خریدارۍ پر مهال باید په دې برخه کې له احتیاط څخه کار واخیستل شي.
