کرونا ويروس که له يوه پلوه په آلمان کې عام خلک سخت اغیزمن کړي، بل لوري ته یې غلو ته هم ډېر «تاوان» اړولی دی. خو د بيمو شرکتونو ګټه کړې ده.
انځور: picture alliance/dpa/S. Stein
اعلان
د کرونا ويروس د بندیزونو له کبله زياتره خلک له کوره په کارونو بوخت دي چې له وجې یې غلو ډېره موقع نه درلودله خپل دنده مخته يوسي او دا لومړی ځل دی چې د بیمې شرکتونو د غلا د پېښو له پاره لږ تاوان ورکړی دی.
د آلمان د بيمې شرکتونو اتحاديې «جي ډي وي» د پنجشنبې په ورځ ويلي دي چې له کومه وخته چې په هيواد کې له کورونو څخه د غلا د پېښو شمیرې راټوليږي، له هغه راهیسې دا لومړی ځل دی چې تېرکال تر ټولو لږ غلاوې شوي دي.
دغه ټولنې په خپل کلني رپوت کې ويلي دي چې په ۲۰۲۰م کال کې د غلاو د پېښو له پاره له بيمو څخه د تاوان غوښتنې ډېري راکمې شوي او ۸۵ زرو ته رسيدلي دي یعني دا غوښتنې د ۲۰۱۹م کال په پرتله ۱۰ زره کمې وې.
اسموسن زياته کړه چې تر کرونا دمخه هم لا له ۲۰۱۵م کال راهيسې په آلمان کې د غلا پېښې کمې شوي دي. علت یې دادی چې د کورونو زياتره څښتنان اوس د کور د خوندي ساتلو له پاره له عصري تکنالوژۍ کار اخلي او په دې برخه کې ډېرې پېسې مصرفوي چې دا نتیجه هم ورکوی.
په ۲۰۱۵م کال کې دا پېښې خپل اوج ته ورسيدلې او په دغه کال کې يو لک ۶۷ زره او ۱۳۶ پېښې ثبت شوې وې چې د تر هغه یو کال مخکي په پرتله دوه چنده ډېري وې.
ب. ص/ ن. ز (Richard Connor)
زموږ له آرشيف څخه:
په آلمان کي کرونا پاندمي حيواناتو ته لوی نعمت ګرځېدلې
د کرونا پاندمي د دې لامل سوې چي آلمانيان ځان ته لا زيات کورني حيوانات را ونيسي او په دغه هيواد کي د کورنيو حيواناتو شمير ۳۵ مليونو ته جګ سي. د دغه برخي تجارانو ۵ مليارده يورو ګټلي دي.
انځور: Fabrice Coffrini/Getty Images/AFP
لوی سترګي لرونکي زيات خريداران لري
د «برک اېنډ مارټر ريټيلرز» په نوم د حيواناتو د اړتيا سامان خرڅوونکي شرکت تېر کال د څلور نيم ملياردو يورو کاروبار کړی دی. په پلورل سوو کي د حيواناتو خواړه، د لوبو سامان او نور توکي شامل دي. که د کرونا پاندمي پر وخت په آلمان کي د ځنګلي مرغانو له پاره رانيول سوې دانه هم وشميرل سي نو په آلمان کي په ټوليزه توګه پنځه نيم مليارده يورو پر حيواناتو مصرف سوي دي.
انځور: picture-alliance/dpa/M. Murat
دوستي يې په موسم پوري نه ده تړلې
آلمانيان په دې نظر دي چي سپيان د انسان له بهترينو دوستانو څخه يو دی. له همدې کبله په آلمان کي د کورني سپيانو شمير ډېر زيات دی. په زياته د کرونا پاندمي پر وخت د سپيانو د قيمتونو د جګېدلو باوجود په دغه هيواد کي د سپيانو شمير لس مليونو ته جګ سوی دی. زياتو آلمانيانو د پاندمي پر وخت د تنهايي څخه د خلاصون له پاره سپيان رانیولي دي.
انځور: picture-alliance/J. de Cuveland
پيشو پر لومړي مقام
په آلمان کي په اصطلاح د «پيشوګانو» پاچاهي ده ولي چي په دغه هيواد کي ۱۵،۷ مليونه کورنۍ پيشياني شته دي. دا شمير په آلمان کي د ټولو کورنيو حيواناتو يو پر دريمه برخه تشکيلوي. ښايي يوه وجه يې دا هم وي چي د نورو اکثرو حيواناتو په پرتله د پيشوګانو ساتنه آسانه بلل کيږي. د پاندمي پر وخت د پيشيانو له پاره د شودو او خوراکو په فروخت کي د تقريبا لسو فيصدو زياتوالی راغلی.
آلمانيان له حيواناتو سره زياته لېوالتيا او مينه لري خو د ۲۰۱۹ کال د شميرو له مخي د کورني حيواناتو په ساتنه کي سويس، فرانسه او بريتانيا تر آلمان لا مخکي دي. د نفوس له مخي په نړۍ کي تر ټولو زيات کورني حیوانات د امريکا په متحده ايالاتو کي ساتل کيږي. امريکا کي د آلمان په پرتله پر حيواناتو دوه چنده زيات لګښتونه کيږي.
انځور: Fotolia/quipu
د حيواناتو له پاره ګران بیه سامان
د کورني حیواناتو بډای مالکان خپلو حیواناتو ته خورا قيمتي څيزونه اخلي. د حيواناتو له پاره حتی موډي جامې او سامان آلات سته چي د مشهورو برانډونو له خوا په خورا جګو قيمتونو خرڅيږي. په دغو کي ورساچې، رالف لورن او مونکر غوندي برانډونه او شرکتونه هم په دغه ډګر کي فعاليت لري.
انځور: picture-alliance/empics/D. Lipinski
ہوم آفس او انلاين سودا
په آلمان کي زيات کار کوونکي له کوره يعني هوم آفس کي کار کوي. له همدې کبله د حيواناتو له پاره د آنلاين سودا رانيولو په کچه کي زياتوالی راغلی دی. په ټوليزه توګه په دغه ډګر کي ۱۶ سلنه خريداري زياته سوې ده.
انځور: picture-alliance/dpa/I. Fassbender
د لاک ډاون ملګري او اندېښنې
دا چي په پاندمي او لاک ډاون کي د حيواناتو په قيمتونو کي زښت زياتوالی راغلی دی نو داسي اندېښنې هم پيدا سوي دي چي ښايي د حيواناتو ناقانونه کاروبار، قاچاق او غلا هم زياته سي. داسي اندېښنې هم سته چي د لاک ډاون وروسته به زيات انسانان بېرته له خپلو کورنيو حيواناتو څخه مخ واړوي او دغه حيوانات به د بې څښتنه حيواناتو مراکزو ته ولېږدول سي.
