د آلمان فدرالي پولیسو ویلي دي چې د ۲۰۲۴م کال له نیمايي څخه تر اوسه پورې یې آلمان ته د ډېرو داسې کسانو د داخلیدو مخنیوی کړی دی چې غوښتل یې په ناقانونه توګه داخل شي. د دغه راز پیښو شمیر د تیر کال په پرتله ډیر زیاتوالی ښيي.
د «دویچه څایتونګ» په نامه آلمانۍ ورځپاڼې د راپور له مخې، د آلمان فدرالي پولیسو په آلمان کې د ۲۰۲۳م کال په ترڅ کې په ناقانونه توګه آلمان ته د داخلیدونکو کسانو له جملې ۲۸ سلنه یې بیرته د آلمان ګاونډيو هیوادونو ته استولي دي.
د رپوټونو له مخې، د روان میلادي کال په لومړیو شپږو میاشتو کې، آلمان ته په مجموعي ډول ۴۲ زره او ۳۰۷ د ناقانونه داخلیدو پیښې ثبت شوي دي چې له دې ډلې ۲۱ زره او ۶۶۱ کسان بیرته د آلمان له پولو ګاونډیو هیوادونو ته لیږل شوي دي. ویل کیږي چې د تیر میلادي کال په ترڅ کې بیا په مجموعي ډول آلمان ته د ناقانونه داخلیدو ۱۲۷ زره او ۵۴۹ پیښې ثبت شوې وې چې له دې ډلې یې بیا ۳۵ زره او ۶۱۸ کسان بیرته ګاونډیو هیوادونو ته استول شوي ول.
د جرمني څخه د مهاجرو د اخراج مقررات څه ډول دي؟
د جرمني داخله وزیر د ۱۶ ایالتونو د کورنیو چارو د وزیرانو سره تریوه ویدیو کنفرانس وروسته اعلان وکړ، چي د جنورۍ له اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي. نور جزيات دلته ولولئ: انځور: picture-alliance/W. Rothermel د جرمني داخله وزارت وايي، چي د سوریایانو د اخراج د منع کیدو لایحه به تمدید نسي. داخله وزير هورست زېهوفر په دې تړاو مخکي هم څرګندونې کړي وې. خو منتقدین دا د پناه غوښتونکو څخه د ساتني بین المللي حقوقو خلاف بولي. د ویچه ویله دلته د دغي مسألې حقوقي اړخونو ته یوه کتنه کړې ده: هغه مقرره چي د ۲۰۱۲ م کال راهیسي په منظم ډول سره تمدیدیږي، په پام کي لري، چي سوریایان خپل هیواد ته د اخراج څخه وساتي.
انځور: picture-alliance/dpa/M. Schutt په سوريه کي د امنيت نشته والی په سوریه کي اوس هم جنګ دوام لري. دا په دې معنی ده، چي حتی رد سوي پناه غوښتونکي هم، د مجرمینو په شمول په جرمني کي پاته سي. منتقدین وايي، چي په سوریه کي هیڅ ډول امنیتي شرایط وجود نلري. خو داخله وزیر، هورست زیهوفر د ۱۶ ایالتونو د کورنیو چارو د وزیرانو سره تر یوه ویدیو کنفرانس وروسته اعلان وکړ، چي د جنورۍ میاشتي د اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي.
انځور: Amer Almohibany/AFP ولي د اخراجیدو ممانعت لغؤ سو؟ په جرمني کي د هغو پناه غوښتونکي، چي رد سوي، او یا یې جرمونه کړي وي، (دولدونګ) یا د پاته کیدلو مؤقتي ویزه ورکول کیږي. خو ددغو کسانو پرضد همیشه د ښی اړخو افراطیانو لخوا اعتراضونه کیږي او تر ټولو دمخه د مسلمانانو پر ضد. د ۲۰۱۱ م کال راهیسي د سوریې جنګ، چي تر ۳۸۷ زره اضافه انسانان پکښي ووژل او په ملیونو کسان د وطن پریښولو ته مجبوره سول، ددې سبب سو، چي شکمن کسان هم په جرمني کي پاته سي.
انځور: Getty Images/T. Lohnes د جرمني په داخله وزارت کي د ساختماني او هیواد ساتني چارو معین، هانس ګیورګ انګلکه پرون جمعه خبریالانو ته وویل:«هغه کسان چي جرمونه کوي او یا تروریسټي اهداف مخته وړي، زموږ دولت او خلګو ته تاوان رسوي او باید د جرمني څخه اخراج سي.» خو د زیهوفر د اظهاراتو پراساس د تقریبأ ۷۷۰ زرو سوریایانو څخه چي په دې وروستیو وختونو کي جرمني ته راغلي دي، فقط تقریبأ ۹۰ کسانو ته یې د خطرناکو کسانو په سترګه کتل کیږي.
انځور: picture-alliance/dpa/F. Gentsch د اخراج څخه انتظارات محدود دي د کرونا دویروس په سبب د سفر پر محدودیتونو سربیره، سوریې ته په نورو دلایلو هم اخراج ممکن ندی: د نیدرساکسن ایالت داخله وزیر، بوریس پستوریس په دې باب وویل،«په سوریه کي هیڅ داسي مؤسسه وجود نلري، چي موږ د هغه سره ډیپلوماتیک روابط ولرو.»په دې دلیل هغه او سوسیال دموکراټ حزب یې سوریې ته د نه اخراج د قاعدې لغؤ کیدل رد او کوښښ یې وکړ، چي هغه د ۶ نورو میاشتو دپاره تمدید کړي.
انځور: picture-alliance/dpa/M. Kappeler د یوه رپوټ پراساس آلمان په ۲۰۱۹ م کال کي۲۲۰۰۰ تنه اخراج کړي دي. البانیا، نایجریا، ګرجستان، روسیه او صربستان د هغو هیوادو د جملې څخه وه، چي په همدغه کال کي یې هر یوه ته زر زر تنه اخراج سول. په همدغه وخت کي تقریبأ ۹۳۰ افغانان او ۸۶۰ عراقیان هم اخراج سوي دي. د رپوټ پر بنأ په ۲۰۱۹ م کال کي د اخراجیدو تقریبأ ۴۰ فیصده موارده د اروپا د اتحادیې نورو هیوادو لکه فرانسې او ایټالیا ته تر سره سوي دي.
انځور: picture-alliance/dpa/M. Kappeler هغه کسان نباید د جرمني څخه اخراج سي، چي په خپلو هیوادونو کي یې د جنګونو، تعقیب او یا ازار په دلیل ژوند ته خطر موجود وي. په دغه صورت کي د هغوی اخراج د اروپا د بشر د حقوقو د کنوانسیون څخه سرغړونه ده. دغه کنوانسیون د هغوکسانو اخراجیدل هم منع کوي، چي په خپلو هیوادونو کي د شکنجې سره مخامخ کیدلای سي.
انځور: picture-alliance/dpa/P. Pleul
د رپوټو له مخې دغه راز پیښې تر ډیره پورې د پولنډ او چیک جمهوريت هیوادونو سره پر پوله ډیرې ثبت شوي دي. سربیره پر دې، ویل کیږي چې د هغو کسانو شمیر هم په بې ساري ډول ټیټ شوی دی چې د آلمان په پولو کې یې په دغه هیواد کې د پناهندګۍ درخواست جمع کړی.
د تیر میلادي کال په ترڅ کې د آلمان په پولو کې د ټولو ناقانونه داخلیدونکو کسانو له ډلې شاوخوا ۴۵ سلنو یې پر پوله د پناه غوښتنه کړې وه، خو د ۲۰۲۴م کال په لومړۍ نیمايي کې بیا دغه شمیر ۲۳ سلنه ښوول شوی دی.
په آلمان کې د کیڼ اړخو له ګوند څخه، کلارا بونګر وايي چې «تر هغو پورې چې د المان فدرال حکومت دا روښانه نه کړي چې له آلمان سره پر پوله باندې د پناه غوښتنې درخواست وشي او که نه، زه فکر کوم چې د پناه غوښتنې درخواستونه به له پامه غورځول کیږي ترڅو وکولی شي هغوی [پناه غوښتونکي] رد کړل شي. که نه نو، د شمیرو د دغه کمښت بلل دلیل نه شي موندل کیدی.»
د ۲۰۱۵م کال راهيسي، د آلمان او اتریش پر پوله ثابت کنترول لا هم ادامه لري. هغه کسان چې آلمان ته د داخلیدو اجازه ونه لري او یا هغه کسان چې پر پوله د پناه غوښتنې درخواست نه کوي، کیدی شي بیرته ګاونډي هیواد ته ولیږل شي.
په ورته وخت کې ديموکرات مسیحي او د بایرن سوسیال مسحي ګوندونه د هغو کسانو د بیرته لیږلو غوښتنه کوي چې «د اروپايي ټولنې او یا د شینګن حوزې» په یوه بل هیواد کې یې د پناه غوښتنه کړې وي.
This browser does not support the video element.
خ.ح / ن. ز
