Пасол Літвы ў Беларусі Пятрас Вайцякунас з'яўляецца адным з галоўных прэтэндэнтаў на пасаду міністра замежных справаў краіны. 9 траўня планавалася назваць імя новага кіраўніка знешнепалітычнага ведамства Літвы. Аднак у аўторак Сейм Літвы з імем новага міністра не вызначыўся. Кандыдатуру Пятраса Вайцякунаса на пасаду міністра некалькі дзён таму прапанавала Казіміра Прунскене - кіраўнік Сялянскай партыі, якая ўваходзіць у кіроўную кааліцыю.