Па стане на 11 студзеня на падтрымку вылучэння адзінага прэтэндэнта ад дэмакратычных сілаў Аляксандра Мілінкевіча кандыдатам на пасаду прэзідэнта Беларусі сабрана больш як 81 тысяча подпісаў. Пра гэта паведаміў кіраўнік прэсавай групы штабу падтрымкі адзінага прэтэндэнта Сяргей Вазняк. Па колькасці сабраных подпісаў Аляксандр Мілінкевіч з’яўляецца лідэрам сярод усіх прэтэндэнтаў, за выключэннем Аляксандра Лукашэнкі: колькасць подпісаў на падтрымку апошняга пакуль што невядомая. Збор подпісаў завяршаецца 27 студзеня. Для вылучэння кандыдатам у прэзідэнты неабходна мець 100 тысячаў подпісаў грамадзянаў.