Кіраўнік аддзелу спецпраектаў Першага расейскага тэлеканалу Павал Шарамет сёння адпушчаны на волю па загадзе міністра ўнутраных справаў Беларусі Уладзіміра Навумава. Пра гэта Шарамет сам паведаміў журналістам ля муроў спецпрыёмніка-размеркавальніка на вуліцы Акрэсціна, дзе правёў апошнія суткі пасля затрымання ў цэнтры Мінску 25 сакавіка і кароткатэрміновага знаходжання ў лякарні пасля збіцця яго супрацоўнікамі міліцыі ў цывільным. Журналісту загадана пакінуць тэрыторыю Беларусі цягам 24-х гадзінаў.