Сёння ўрад Эстоніі прыняў рашэнне аплаціць за дзяржаўны кошт навучанне дзесяці беларускіх студэнтаў, якія прытрымліваюцца апазіцыйных поглядаў, а таксама іх пражыванне ў Эстоніі. Пра гэта паведаміў прэм'ер-міністр краіны Андрус Ансіп. Паводле яго словаў, Міністэрства адукацыі Эстоніі цяпер рыхтуе хадайніцтва аб фінансаванні навучання беларусаў за кошт рэзервовага фонду ўраду. Навучанне кожнага студэнта будзе каштаваць каля 10 тысячаў еўра залежна ад спецыяльнасці. Праграма навучання беларускіх студэнтаў разлічаная на тых, хто папярэдне пройдзе інтэнсіўныя курсы эстонскай мовы.