Gruaja e ish-presidentit të interpolit Meng Hongwei është e frikësuar për jetën e bashkëshortit dhe për sigurinë e saj. Në një intervistë me BBC-në Grace Meng, thotë, se sipas saj në këtë rast kemi të bëjmë me "përndjekje politike". Eshtë e pasigurtë, nëse burri i saj ende jeton. Fëmijëve ajo u thotë, që babai ndodhet në një "udhëtim të gjatë me shërbim".

Mengs Frau shton, që atë e kanë kërcënuar në telefon. "Ata janë të mizorë. Ata janë të fëlliquar", shton ajo. Kina nuk "njeh kufij" gjatë përndjekjes ndaj kundërshtarëve. Nga frika për sigurinë e saj gjatë intervistës të zhvilluar në Francë Grace Meng shihej vetëm si sluetë. Eshtë e rrallë që të afërm të funksionarëve të bllokuar të flasin në publik.

Meng Hongëei në mes të shtatorit udhëtoi nga Franca në Kinë. Gruaja e tij pak pas kësaj e deklaroi atë të humbur. Në fillim të tetorit drejtësia kineze njoftoi, se po heton kundër Meng për shkak të "dyshimeve üër shkelje ligjore". Pak pasë kësaj deklarate Interpolit me seli në Lion të Francës iu dërgua një deklaratë, përmes së cilës Meng njoftonte dorëheëjen me "efekt të menjëhershëm dhe të parevokueshëm" si shef i autoritetit ndërkombëtar të policisë. Shkresa e printuar duhet të jetë përpiluar prej autoriteteve kineze.

Më pas u bë e ditur, se 64 vjeçari po hetohet për dyshime për korrupsion. Mend në Kinë ka mbuluar poste drejtuese përpara se më 2016 të vendosej në krye të Interpolit. Qeveria në Pekin prej disa kohësh po i kundërvihet ashpër korrupsionit. Vëzhguesit mendojnë, se përmes padive përkatëse zhvillohet edhe lufta për pushtet në radhët e kryesisë së shtetit. Nën presidentin Xi Jinping në Kindër ndërkohë janë zhdukur disa nëpuëns të lartë shtetërorë. Shpesh ata pas disa muajsh rishfaqen si të akuzuar për korrupsion.

jj/ww (dpa, afp)