Në konfliktin midis sindikatave franceze dhe qeverisë për privilegje në pensione për shërbimin publik ka patur shenja afrimi në pozicionet e qeverisë dhe sindikatave. Ndërkohë greva pa afat e punonjësve të hekurudhës publike dhe të sipërmarrjeve të energjisë ka hyrë në ditën e dytë. Një zëdhënës i hekurudhës publike SNCF tha se ka ende probleme të mëdha për udhëtarët dhe klientët e tjerë por gjendja është më e mirë se të mërkurën pasi janë më shumë trena në punë. Ndërkohë presidenti francez Sarkozi ka ngarkuar ministrin e punës Xavier Bertrand me përgatitjen e negociatave mes qeverisë, firmave dhe sindikatave. Një gjë e tillë ishte refuzuar më parë nga qeveria. Grevistët protestojnë kundër heqjes së privilegjeve në pensione për të punësuarit në ndërmarrjet publike. Një përpjekje e ngjashme e qeverisë dështoi 12 vjet më parë pas grevave masive që zgjatën disa javë rresht.