Janë ashpërsuar edhe më tej luftimet mes grupeve palestineze rivalizuese, Hamas dhe Fatah në Rripin e Gazës. Luftimet janë përqëndruar, sipas njoftimeve të agjensive, në kryqëzimet e rrugëve të rëndësishme, në ndërtesat e larta dhe në kuartierin kryesor të shërbimit sekret që e kontrollon grupi Fatah, në qytetin e Gazës. Njoftimet e fundit bëjnë të ditur se janë vrarë 9 persona. Të martën në mbrëmje luftëtarët e Hamasit radikal-islamik kishin marrë një pjesë të këtij kuartieri. Udhëheqja e Fatahut e presidentit palestinez Mahmud Abaz kërcënoi me dorëheqje nga qeveria e unitetit, nëse luftimet nuk ndalen.