Kryeministri i Australisë ka hedhur poshtë mundësinë e një tërheqjeje të trupave nga Iraku.Të 1500 ushtarët australianë do të qëndrojnë të stacionuar në Irak. Ky është edhe një xhest solidariteti me një nga aleatët tanë , i cili ndodhet në vështirësi, tha Howard.Në Australi pritet të qëndrojë për dy ditë presidenti amerikan Xhorxh Bush. Ai merr pjesë në Samitin e Sidneit të vendeve anëtare të APEC-ut. Në mesin e 21 shteteve pjesëmarrëse, janë edhe Kina, Rusia dhe Japonia.