Liri e pjesshme mediash
1 Maj 2012![](https://static.dw.com/image/2371503_800.webp)
Raporti i Freedom House merr në shqyrtim vendet e Europës Qëndrore dhe Lindore dhe e klasifikon atë si një rajon më “ liri të pjeshme të mediave”. Kriteret e vlerësimit të kësaj organizate në vlerësimit e saj për çdo rajon të botës janë kuadri ligjor, kontrolli i politikës dhe presioni ekonomik ndaj mediave të lira. Bazuar në këto kritere raporti i sapopublikuar vëren se në Europën Qëndrore dhe Lindore, rajon ku bën pjesë Shqipëria dhe vendet fqinjë, është shënuar një rënie e theksuar e lirisë në krahasim me një vit më parë.
Vendi i fundit në rajon klasifikohet Maqedonia kurse Shqipëria e parafundit. Sipas vlerësimive të Freedom House Shqipëria renditet në vendin e 51, Kosova në atë 49. Në gjendje më të mirë vlerësohet liria e shtypit në Bosnjë – Hercegovinë, që klasifikohet në vendin e 48-të. Më mirë paraqiten Mali i Zi dhe Serbia, që janë në vendin e 35-të. Në vend të fundit mbetet Maqedonia në vendin e 54-të.
Ndër 115 vende të Europës Qëndrore dhe Lindore që Freedom House ka skanuar këtë vit lidhur me lirinë e shtypit Serbia dhe Malin e Zi janë në vendin e 75-të, Kroacia në të 83-tin, Bosnjë e Hercegovina në të 95-in, Kosova në vendin e 97, Shqipëria në vendin e 107 si dhe Maqedonia e fundit në atë të 115-in.
Burime zyrtare nga Unioni i Gazetarëve Profesionistë të Shqipërisë pohojnë se arsyet për këtë klasifikim te Shqipërisë nga Freedom House janë kontrolli i mediave nga politika, presioni ekonomik i qeverisë ndaj mediave kritike dhe statusi informal i gazetarëve.
Autor: Ani Ruci
Redaktoi: Aida Cama