Bashkimi Evropian ka kërkuar prej regjimit ushtarak në Birmani që të mos përdorë dhunë kundër demonstruesve. BE kërcënoi me ashpërsimin e sanksioneve ndaj këtij vendi aziatik, në qoftë se junta përdor dhunën kundër demonstruesve të qetë. Kështu kumtoi Portugalia si udhëheqëse e radhës e BE-së, gjatë asamblesë së përgjithshme të OKB në Nju Jork. Në Paris janë kërkuar prej ambasadorit të Birmanisë shpjegime shtesë për gjendjen në vend. Ministria e jashtme ka kërkuar mospërdorimin e dhunës dhe ka kërkuar lirimin e të burgosurve politikë, siç është bartësja e çmimit Nobel për paqen Aung Syn Su Kyi, e cila për vite të tëra mbahet në burg shtëpiak.