Biden i drejtohet për herë të parë audiencës evropiane
19 Shkurt 2021![USA Washington | Münchner Sicherheitskonferenz | Joe Biden](https://static.dw.com/image/56631312_800.webp)
Konferenca e Sigurisë e Mynihut zhvillohet sivjet një ngjarje virtuale për shkak të pandemisë së Covid-19. Në konferencë marrin pjesë Presidenti i SHBA, Joe Biden, Kancelarja gjermane, Angela Merkel, Presidenti francez Emmanuel Macron, Kryeministri Britanik Johnson dhe Sekretari i Përgjithshëm i NATO-s, Jens Stoltenberg.
Vetë Bideni po i drejtohet audiencës evropiane për herë të parë si President i SHBA. Drejtuesi i konferencës, Wolfgang Ischinger e interpretoi këtë në BR si një sinjal që Biden po e ndërton politikën e tij të jashtme mbi aleanca. Në të njëjtën kohë kjo është një kërkesë për Gjermaninë për të marrë më shumë përgjegjësi ndërkombëtare.
Ischinger pret që presidenti amerikan të ndalet në çështjet e konfliktit, të tilla si rritja e shpenzimeve gjermane të mbrojtjes, tërheqja e trupave amerikane nga Afganistani ose konflikti mbi tubacionin e gazit gjermano-rus Nord Stream II. edhe Kryeministri Britanik Johnson do të jenë gjithashtu në listën e folësve. Konferenca do të planifikohet në një shkallë të gjerë deri në qershor.
Konferenca e Mynihut ka qenë forumi më i rëndësishëm për politikën ndërkombëtare të sigurisë për më shumë se 50 vjet. Qindra pjesëmarrës normalisht marrin pjesë në takimin shumë ditor, duke përfshirë krerë të shumtë të shteteve dhe qeverive, si dhe ministra të jashtëm dhe të mbrojtjes. Sipas organizatorëve, ky aktivitet në Bayerischer Hof të Mynihut do të përsëritet me prani fizike.
aud (dpa, br)