Champions - League: Bajerni përballë Juventusit
15 Mars 2013![](https://static.dw.com/image/16677304_800.webp)
Në mesditë në Nyon të Zvicrës u zhvillua shorti i raundit të çerekfinaleve të Champions League. Një nga përballjet më të forta do të jetë ajo mes ekipit gjerman të Bajernit të Mynihut dhe kampionëve në fuqi të Italisë, Juventus. Përballje interesante do të jetë edhe ajo mes Barcelonës dhe PSG, ku këta të fundit janë fuqizuar së tepërmi në arenën europiane pas investimeve prej qindra milionë eruosh të sheikëve arabë që zotërojnë klubin.
Më me fat ishte ekipi tjetër spanjoll,Real Madridit, që do të përballet me një nga surprizat e këtij sezoni, turqit e Gallatasaraj. Sfida në dukje e lehtë mund të rezervojë surpriza për kampionët e Spanjës, sepse blerja e Shnajder dhe Drogba i ka bërë turiqt një ekip për tu patur frikë. Kampionët në fuqi të Gjermanis, Borusia Dortmund, do të kenë përballë surprizën tjetër të kësaj Champions League, Malaga të Spanjës. Ndeshjet çerekfinale do të zhvillohen në datat 2-3 dhe 9-10 prill, ndërsa shorti për gjysmëfinalet do të mbahet në 12 prill.
Eshtë hedhur (15.03.2013) edhe shorti për ndeshjet çerekfinale të Europa League dhe do të jenë këto përballje: Lazio - Fenerbahce, Chelsea - Rubin Kazan, Tottenham - Basel dhe Benfica - Newcastle.