Në përfundim të vizitës së tij në Gjermani Dalai Lama ka kritikuar politikën kineze ndaj të drejtave të njeriut. Ekonomia po përjeton boom, por demokratizimi nuk po përparon, tha udhëheqësi shpirtëror i tibetianëve gjatë një pritjeje në bashkinë e Frajburgut. Bashkësia ndërkombëtare duhet të ushtrojë ndikimin e saj në mënyrë që Kina të fillojë procesin e reformave, tha Dalai Lama. Në të njëjtën kohë fituesi i çmimit Nobel për paqe bëri thirrje për dialog mes besimeve. Asnjë drejtim fetar nuk duhet të ngrejë pretendimin e të qënit i vetmi, të përbashkëtat e besimeve janë më të mëdha sesa dallimet mes tyre, tha ai.