Ekonomia e Kinës ia kalon asaj të Japonisë
14 Shkurt 2011![](https://static.dw.com/image/3081035_800.webp)
Kina ia ka kaluar Japonisë dhe është kthyer në ekonominë e dytë botërore. Këtë e konfirmoi qeveria japoneze në Tokio. Sipas saj prodhimi i brendshëm bruto në Japoni ka qenë 5,5 bilionë dollarë, kurse në Kinë 5,9 bilionë dollarë. Eksportet e Kinës janë shtuar shumë. Muajin e kaluar eksportet nga Republika Popullore u shtuan me 38 përqind. Megjithatë Kina ka shtuar edhe importet.
Në këtë kontekst duhet parë jo vetëm zhvillimi i përgjithshëm, por duhet marrë parasysh për shembull edhe prodhimi i brendshëm bruto për frymë. Në Kinë kjo është 3.800 dollarë, ndërsa në Japoni më e lartë. Rreth 150 milionë nga 1,3 miliardë kinezë jetojnë, sipas OKB-së edhe më tej në varfëri të skajshme.
Ekonomia kineze tejkaloi atë japoneze në tremujorin e dytë të vitit të kaluar.
Ekspertët mendojnë se ekonomia e Republikës së Kinës do t`ia kalojë këtë vit përfundimisht asaj të Japonisë.
Autor: DW/ Aida Cama
Redaktoi: Esat Ahmeti