Elon Musk nuk e do më blerjen e twitter-it
9 Korrik 2022![Elon Musk](https://static.dw.com/image/62224206_800.webp)
Miliarderi Elon Musk heq dorë nga blerja e planifikuar e shërbimit të mesazhit twitter. Themeluesi i Tesla-s dhe njeriu më i pasur në botë kishte bërë në prill të ditur blerjen e twitterit për 44 miliardë dollarë.
Sipas Musk janë shkelur disa pika të marrëveshjes së blerjes. Ai iu referua grindjes prej disa javësh mbi llogaritë e rreme. Ka arsye "për të menduar, se numri i vërtetë i llogarive të rreme dhe spam në platformën twitter është më i lartë, se shifra 5%", të cilën e ka bërë të ditur twitter.
Musk para disa javësh kishte hedhur dyshim mbi shifrat e ofruara nga twitter, gjë që nga vëzhguesit u interpretua si një përpjekje për të ulur çmimin. Musk u përpoq që në maj që të tematizonte me gjasë vlerësimet e gabuara të twitterit në lidhje me llogaritë e rreme. Tani ai deklaroi të anuluar marrëveshjen e blerjes së twitterit.
la/ag