Garë pikë më pikë mes Sarkozisë dhe Rojalit në Francë
22 Prill 2007![](https://static.dw.com/image/2449547_800.webp)
Në këto zgjedhje në Francë ka pasur një pjesëmarrje masive që mund të konsiderohet si historike: deri pasdite vonë kanë votuar rreth 74% e elektoratit. Në rast se asnjëri nga kandidatët nuk arrin të marrë shumicën e votave, atëherë vendimi për pasardhësin e presidentit aktual Zhak Shirak do të merret në raundin e balotazhit më 6 maj. Kësisoj pritet një garë interesante pikë më pikë mes negolistit Nikola Sarkozi dhe socialistes Segolene Rojal. Sipas sondazheve përpara fundjavës kandidati liberal i qendrës Francois Bayrou renditet i katërti pas ekstremistit të djathtë Zhan Mari Lë Pen. Këta janë katër kandidatët kryesorë nga 12 gjithsej. Vlen të theksohet se kësaj here elektorati francez ka qenë shumë i pavendosur, deri të premten nga anketimet rezulton se një në tre zgjedhës ka qenë i pavendosur, se kujt do t´ia jepte votën.