Pas paraqitjes mbresëlënëse të kombëtares në 2:1 në Pragë kundër Çekisë Franz Beckenbauer e sheh aktualisht Gjermaninë si ekipin më të fortë të kontinentit. Njëmbëdhjetëshja e trajnerit Joachim Löw luan 'pa defekte', pothuajse çdo ndeshje mund të përdoret si 'film mësimdhënës', ka thënë Beckenbauer. 'Hovit që solli në ekip Jürgen Klinsmann-i i shtohet tani të kuptuarit verbërisht me njëri-tjetrin', analizon Beckenbauer në një shkrim për gazetën më të madhe gjermane 'Bild'.

Një vit më parë, pas humbjes së rëndë 4:1 në Itali, ishte veçanërisht Beckenbauer që vuri në pikëpyetje udhën dhe metodat e Klinsmann-it dhe të asistentit të atëhershëm Löw. Presidenti i Bajernit e cilësoi tani angazhimin e trajnerit Löw si 'fat të madh'.