Rezultati i zgjedhjeve të 16 shtatorit në Greqi, që zhvillohen në sfondin e katastrofës kombëtare të zjarreve, mbetet enigmë. Ndërkohë analistët për një gjë shprehen të sigurt: Zgjedhjet do të afirmojnë për herë të parë si forcë parlamentare partinë nacionaliste Alarmi Ortodoks Popullor. Por çfarë shënon një zhvillim i tillë për jetën politike të Greqisë por edhe për emigracionin? Duke dhënë stigmën e qëndrimeve të partisë së tij, lideri i saj karizmatik Jorgos Karaxhaferis, në debatin televiziv me kreret e tjerë partiakë kërkoi vendosjen e "rregullit" dhe të "një kuote të caktuar" emigrantësh, veçanërisht të atyre me prejardhje nga Shqipëria.