Policia indiane ka arrestuar drejtorin e një banke kombëtare, i cili ka marrë rryshfet nga disa kompani për të zgjatur kohën e pagesës së kreditsë së të tyre. Byroja Qendrore Indiane e Investigimit (CBI), arrestoi gjithashtu 11 persona të tjerë të përfshirë në këtë aferë, duke përfshirë edhe kunatin e drejtorit të Syndicate Bank dhe drejtorin menaxhues Sudhir Kumar Jain.

"Ne arrestuam atë (Jain) në Bangalore dhe do ta nxjerrim para gjyqit", dekalroi për agjencinë AFP, Kanchan Prasad, zëdhënës i CBI. CBI thas se nëpërmjet një ndërmejtësi Jain kishte marrë pesë milion rupees ($82,000) për të zgjatur afatin e pagesës së kredive të disa kompanive.

Dy drejtorë të dy firmave private janë arrrestuar gjithashtu për të njëjtën ngarje, bëjnë të ditur zyratrët a anti-korrpsionit indian. Autoritetet thanë se kanë gjetur dokumenta e të dhëna kompjuterike, që përmbajnë prova se edhe disa banka të tjera janë përfshirë në këtë skandak përmes të të njëjtit ndërmjetës.

"Ne do të zbardhim këtë skemë ku janë përfshirë edhe banka të tjera. Ne kemi në dorë shumë prova inkriminuese", tha drejtori i CBI Ranjit Sinha, për gazetën Times of India. Jain punon në sektorin bankar prej pothuajse 26 vitesh dhe është shefi i Syndicate Bank që prej 8 korrikut të vitit 2013.

Luftë korrupsionit

Në një çështje të ngjashme vitin e shkuar, zyrtarët indianë investiguan rastin e një drejtuesi të lartë të Bankës Shtetërore të Indisë për përfshirje në një aferë korruptive, duke i dhënë kredi me interesa shumë të ulet një kompanie.

Banakat e shtetërore të vendit aziatiko-jugor janë goditur nga kreditë e këqia, pasi kompanitë indiane janë dukë kaluar vështirësi në pagesën e kësteve të kredive. Ekonomia indiane po përjeton një ngadalësim ekonomik që nuk ka ndodhur që prej viteteve 80'.

Ish kryeministri i vendit Manmohan Singh u godit nga një sërë skandalesh korrupsioni në vitet e shkuara. Ai kritikohej se nuk u vepronte ndaj ministrave dhe zyrtarëve të korruptuar.