Irani dhe Organizata Ndërkombëtare për Energji Bërthamore (ONEB) me seli në Vjenë ranë dakord për bashkëpunim të mëtejshëm për zgjidhjen e krizës rreth programit atomik iranian. Të dyja palët kanë përpunuar një plan konkret kohor për inspektimin e centraleve atomike iraniane, thanë ndërmjetësuesi iranian Xhavad Vaidi (Javad Vaidi) dhe zëvendësdrejtori i ONEB-it, Olli Hajnonen (Olli Heinonen) në një konferencë të përbashkët shtypi në Teheran. Organizata Ndërkombëtare për Energji Bërthamore do të sqarojë përfundimisht se për çfarë shërbejnë centralet bërthamore iraniane.