Pas kritikës së ashpër të presidentit afgan Hamid Karsai trupa ndërkombëtare mbrojtëse ISAF ka pranuar që gjatë sulmeve ndaj kryengritësve në brezin kufitar me Afganistanin janë vrarë edhe civilë. Njësitë e drejtuara prej NATO-s kanë vrarë në kufirin me Pakistanin në juglindje të vendit rreth 60 kryengritës, u tha. Më pas ka rezultuar se ndër të vrarët ka pasur edhe njerëz të papërfshirë. Ushtria pakistaneze kishte deklaruar, se një raketë e lëshuar prej ISAF-it kishte goditur një shtëpi në Pakistan duke vrarë nëntë civilë. / Sipas gazetës gjerman 'Bild am Sonntag', ministri gjerman i mbrojtjes Franz-Josef Jung i ka shpëtuar një atentati gjatë vizitës së Afganistanit më 6 qershor.