Qeveria gjermane i konsideron protestat aktuale në Shqipëri, në parim, si çështje të brendshme të vendit. Këtë e tha në fillim të javës zëdhënësi i Ministrisë së Jashtme gjermane, Martin Giese, pas një pyetjeje të Deutsche Welle-s.
"Është e drejta e njerëzve në Shqipëri të protestojnë kundër kësaj, por nga ana tjetër është edhe një temë vërtet e brendshme politike në Shqipëri, për të cilën nuk mund t'ju jap informacione të mëtejshme për qeverinë federale", tha Giese. (Berlin, 23.06.2026)
Por në një përgjigje me shkrim për DW, qeveria gjermane dha edhe një sqarim tjetër. “Në kuadër të procesit të anëtarësimit, qeveria gjermane po ndjek nga afër përafrimin e normave juridike shqiptare me standardet përkatëse të BE-së, si edhe zbatimin e tyre, veçanërisht duke pasur parasysh kriteret e njohura përmbyllëse të kapitullit 27, mjedisi, të negociatave të anëtarësimit. Qeveria gjermane mbështet përafrimin e shpejtë me standardet e BE-së, si edhe investimet gjatë procesit të anëtarësimit, edhe në fushën e mjedisit dhe mbrojtjes së natyrës.” (Përgjigje me shkrim për DW, qershor 2026)
Protestat vazhdojnë, Berisha takon deputetë në Berlin
Ndërkohë, solidariteti me protestat në Shqipërivazhdoi edhe në diasporë. Në Berlin, shqiptarët protestuan fillimisht të dielën, më 21 qershor, para Portës së Brandenburgut. Një javë më pas, më 28 qershor, ata u mblodhën pranë Rotes Rathaus, pavarësisht vapës ekstreme me temperatura mbi 40 gradë në diell. Protestuesit kundërshtuan ligjin 21/2024 dhe kërkuan largimin e drejtuesve aktualë të dy partive kryesore në Shqipëri.
Ndërkohë, kryetari i PD-së së Shqipërisë, Sali Berisha, ishte në Berlin të premten, më 26 qershor, ku u takua me deputetë të CDU-së gjermane, siç bëri të ditur vetë deputeti Peter Beyer përmes një postimi në Instagram.
Çështja po ndiqet edhe në Berlinin politik. Kryetari i PD-së së Shqipërisë, Sali Berisha, ishte në Berlin, ku u takua me deputetë të CDU-së gjermane, siç bëri të ditur vetë deputeti Peter Beyer përmes një postimi në Instagram.
Deputeti Peter Beyer, nga Unioni Kristdemokrat, kishte thënë më herët për DW se "shumë njerëz janë në rrugë dhe këtë nuk mund ta anashkalojmë". (Intervistë për DW, qershor 2026) Sipas tij, partitë në Shqipëri duhet të ulen në tryezë dhe të gjejnë një rrugëdalje politike nga situata.
Edhe deputeti i Gjelbër Boris Mijatoviç, raportues për Shqipërinë në grupin parlamentar të të Gjelbërve, e sheh protestën si shenjë të një boshllëku politik. Në një intervistë për DW, ai tha se "Shqipërisë i mungon një forcë politike që e vendos mbrojtjen e natyrës mbi interesat e investitorëve të mëdhenj". (Intervistë për DW, qershor 2026)
Sipas Mijatoviçit, protestat mund t'i bëjnë problemet të dukshme. Por zgjidhja, thotë ai, duhet të vijë përmes politikës dhe kutisë së votimit.
Pensionet në Gjermani: a do të punohet deri në 70 vjeç?
Tema e dytë në Java Gjermani është reforma e pensioneve. Për të pasur një pension të denjë, për të përballuar kostot e jetesës dhe për të mos rrezikuar varfërinë në pleqëri, në të ardhmen mund të duhet të punohet më gjatë, ndoshta deri në moshën 70-vjeçare.
Ky është një nga propozimet që komisioni i pensioneve i dorëzoi këtë javë kancelarit gjerman Friedrich Merz. Komisioni i ekspertëve për pensionet në Gjermani ka paraqitur 33 propozime për reformën e sistemit të pensioneve. Kancelari thotë se qeveria dëshiron t’i zbatojë ato sa më shpejt.
Propozimet kryesore janë: mosha e pensionit të rritet gradualisht deri në 70 vjeç, por vetëm me hapa të vegjël dhe në një periudhë shumë të gjatë, deri në fillim të viteve 2090. Dalja e hershme në pension në moshën 63-vjeçare pritet të hiqet.
Gjermania dëshiron gjithashtu të fusë një element të ri: një fond shtetëror investimesh. Deri në dy për qind e pagës bruto do të investohej në tregjet financiare, e paguar nga punëdhënësit dhe punëmarrësit.
Sistemi gjerman i pensioneve është nën presion të madh. Shoqëria po plaket, më pak njerëz punojnë, ndërsa më shumë njerëz dalin në pension dhe jetojnë më gjatë.