Kooperimi kërkimor e shkencor mes universiteteve shqiptare dhe gjermane
4 Dhjetor 2008![Universiteti i Tiranës](https://static.dw.com/image/3528312_800.webp)
Prof. Kule, i cili ka qënë për një kohë të gjatë dekan i fakulteti Ekonomik, tregon për DW, se një numër i madh studentësh dhe pedagogësh nga ky fakultet kanë qënë në Universitetin e Bamberg-ut, sikundër dhe e kundërta. "Jam befasuar kur kam parë në botime të ndryshme që kam lexuar në Bamberg, se si kanë shkruar studentët dhe pedagogët gjermanë për Shqipërinë, zhvillimet e brendshme, gjithshka që atyre ju ka bërë përshtypje nga qëndrimi dhe kontaktet me vendin tonë. Ajo që është e rëndësishme për tu përmendur është themelimi në fakultetin Ekonomik në Tiranë, i një dege për studimet Master në Europian Economic Studies (MEES), ku është implementuar përvoja e Universitetit të Bamberg-ut. Nga ekspertiza që i është bërë kësaj dege ka rezultuar se ajo plotëson tërësisht standartet europiane në këtë fushë. Në vitin tjetër akademik mendojmë që nga program me kohë të pjesshme ta shndërrojmë me kohë të plotë"- thotë rektori i Universitetit të Tiranës, prof. dr. Dhori Kule.
Për të lehtësuar urat e komunikimit mes institucioneve universitare në Shqipëri e Gjermani, drejtuesit e Universitetit të Tiranës, kanë shtrirë futjen e studimit të gjuhës gjermane, ku p.sh, në fakultetin e Ekonomisë gjermanishtja është si gjuhë e dytë. Prof. Kule, duke qënë dhe kryetar i konferencës së rektorëve të universiteteve shqipfolëse, thotë se "bashkëpunimi gjerman nuk është vetëm me fakultetet e Universitetit të Tiranës, por dhe me fakukultete e universitete të tjera".