Pas lirimit të 19 pengjeve koreanojugore qeveria në Seul është kritikuar se ka zhvilluar bisedime direkte me talibanët. Ministri i jashtëm afgan Rangin Dadfar Spanta tha, se është një mesazh i gabuar, nëqoftëse krijohet pershtypja, se bashkësia ndërkombëtare dhe qeveria afgane e lënë vetën t´u bëhet presion. Ministri i jashtëm i Kanadasë Maxime Bernier deklaroi, se me terroristët nuk duhet negociuar. Shumë gazeta në Korenë e Jugut shprehën frikën se nga kontaktet direkte me talibanët mund të ngarkohej reputacioni ndërkombëtar i vendit. Të enjten milicët radikalë islamikë liruan shtatë pengjet e fundit. Kështu mori fund një ankth, që zgjati gjashtë javë.