Kriza financiare ndërkombëtare dhe samiti për këtë çështje i BE-së në Paris
13 Tetor 2008![](https://static.dw.com/image/654111_800.webp)
Lidhur me samitin e BE-së në Paris gazeta "Osthüringer Zeitung" shkruan:
"Shumë me vonesë qeveritë e kuptuan, se ato duhet të përqëndrojnë pushtetin dhe jo vetëm të komunikojnë, por edhe të demonstrojnë vendosmërinë. Ndaj kryetarëve të qeverive në Paris iu desh të përbetohen, se shtetet e Evropës do të ndërmarrin operacione reciproke në treg, nëse diku do të lëkundet ndonjë gur dominoje. Në rast rreziku partnerët do t´i qëndrojnë në krah secilit partner. Merkeli, Sarkozia & Co u mblodhën të djelën ekstra për të pasur efekt në publik, madje për të mos lënë asnjë dyshim ndaj aleancës së tyre. Për këtë arësye u mbajt samiti para samitit, pra takimi u zhvillua tri ditë përpara takimit të rregullt. Ndërsa tani është e rëndësishme që Evropa të mbajë premtimet e dhëna."
Për komentatorin e "Süddeutsche Zeitung" kjo krizë financiare është një krizë e rendit botëror:
"Duhet paguar një çmim për të gjitha vitet e humbura. Sistemi global i tatimeve për krizat e çdo lloji prej kohësh ka marrë të tatëpjetën. Kuadri i karakterizuar qysh pas Luftës së Dytë Botërore nga kombet atlantike tashmë është shpërbërë, një rend i ri është i nevojshëm. Ideja kyçe e Perëndimit dështoi, aktorë të rinj po bëhen gati pas kuintave. Kriza financiare po shndërrohet në krizë të rendit botëror, këtë e dëshmojnë përpjekjet në panik të konferencave në Uashington dhe në Paris."
Ndërsa "Frankfurter Allgemeine Zeitung" kritikon ndërhyrjen e shtetit:
"Ndërhyrja e shtetit është dëftesa e falimentimit për degën e financave dhe një goditje për njërën nga format më të mira të jetesës: ekonomia sociale e tregut dhe sipërmarrja e lirë. Tani duket se s´ka alternativë, por afatgjatë shteti nuk është një ndërmarrje e mirë. Ai sërish do të duhet të tërhiqet, këtë e di edhe kancelarja. Por deri atëherë duhet të përdoren ndihmat shtetërore duke u përgatitur kësisoj edhe përe influencën e ndjeshme nga Berlini. Të bësh ekonomi me paratë e taksave dhe paskëtaj t´u paguash bonuese të majme menaxherëve, këtë bankat duhet ta harrojnë. Në bankat e tronditura të landeve asnjë gur nuk do të qëndrojë më mbi gurë. Pejsazhi bankar nuk do të jetë më si më parë."