Pas pesë muajsh në pengmarrje në Irak shtetasja gjermane Hannelore Krause është përsëri në liri. Siç bëri të ditur në Berlin ministri i jashtëm gjerman, Frank Walter Steinmeier, ajo ndodhet në ambasadën gjermane në Bagdat. Gruaja ishte rrëmbyer në shkurt nga shtëpia e saj në kryeqytetin irakian bashkë me djalin e saj 20 vjeçar Sinanin, i cili gjendet ende në duart e pengmarrësve. Një zëdhënës i ministrisë së jashtme gjermane tha, se qeveria do të bëjë gjithçka për ta liruar atë, por ai refuzoi sërish të merrej me kërkesat e pengmarrësve. Këta kishin kërkuar disa herë që Gjermania të tërhiqte ushtarët e vet nga Afganistani, por kishin lejuar që të kalonin ultimatumet.