Londër: Protestë me flamurin ukrainas përpara Ambasadës ruse
24 Shkurt 2023![Protestë me flamurin ukrainas përpara Ambasadës ruse në Londër](https://static.dw.com/image/64804377_800.webp)
Reklamë
Grupi protestues "Led By Donkeys" ndaloi trafikun përpara se të derdhte 300 litra bojë në rrugën përpara Ambasadës së Rusisë në Londër.
"Ukraina është shtet i pavarur dhe popull me të gjitha të drejtat për vetëvendosje”, tha grupi në një deklaratë.
"Ekzistenca e një flamuri ukrainas me përmasa masive përpara hyrjes së ambasadës (së presidentit rus Vladimir Putin) në Londër do të shërbejë për t'ia kujtuar atij këtë."
Protesta të shumta u zhvilluan në përvjetorin e parë të luftës në Ukrainë në mbarë botën.
Konflikti njëvjeçar ka shkatërruar zona të shumta të Ukrainës dhe sipas burimeve perëndimore ka shkaktuar 150,000 viktima nga secila palë.