Sipas Akademisë shkrimtarit 74 vjeçar çmimi i jepet para së gjithash “për analizën e strukturave të pushtetit me anë të imazheve të mprehta të rezistencës individuale, revoltës dhe humbjes”.

Mario Vargas Llosa lindi në vitin 1936, në Arequipa të Perusë. Disa dhjetëra libra të tij janë përkthyer në gjuhë të huaja. Ndër më të njohurit janë „Festa e cjapit" dhe „Parajsa është diku tjetër“. Romancieri dhe eseisti Llosa, i cili ndërkohë jeton në Madrid, lajmin për çmimin në vlerë prej 1,1 milionë eurosh e mori në Nju Jork.

Mbajtësi më i fundit i Çmimit Nobel për Letërsi nga Amerika Latine ishte Gabriel Garcia Marquez, ndërsa vitin e kaluar çmimi iu dha shkrimtares berlineze me origjinë hungareze, Herta Müller.

Autor: Ajete Beqiraj (dpa, rtr)

Redaktoi: Eliana Xhani