Kancelarja Angela Merkel bëri një bilanc pozitiv të kryesisë gjashtëmujore gjermane në Bashkimin Evropian. Para deputetetëve të Parlamentit Evropian në Bruksel Merkel përshëndeti faktin që me mirëkuptimin për marrëveshjen e re të reformave në Bashkimin Evropian u arrit të kapërcehej ngecja në vend. Marrëveshja e re do të sjellë sipas saj më shumë afërsi me qytetarët. Në të njëjtën kohë kancelarja paralajmëroi për rreziqet e Evropës së dy shpejtësive. Merkel u shpreh edhe për irritimet e fundit politike me Poloninë. Ajo theksoi se vendi fqinj ka për qeverinë gjermane të njëjtën peshë sa fqinji tjetër, Franca. Më 1 korrik Gjermania ia kalon kryesinë e Bashkimit Evropian Portugalisë. Gjatë kryesisë portugeze kryeministri Jose Socrates kërkon të realizojë planet për një samit Evropë-Afrikë.