Një vajzë e rrahur dhe e dhunuar nga punëdhënësi i saj. Një grua e re i hedh vetes benzinë dhe ia vë flakën. Mardomel Celo Melicor thotë se para ardhjes në ambasadën e Filipineve në Arabinë Saudite me siguri që nuk e ka paramenduar punën e tij në këtë formë. Që nga koha e krizës ekonomike në vitet 70-të shumë filipinas kanë shkuar në vendet e Gjirit për të kërkuar ndonjë punë. Por megjithë përpjekjet e autoriteteve të Filipineve dhe Arabisë Saudite ekpsloatimi dhe keqtrajtimet nuk janë evituar. Melicor lëviz kokën kur i mendon këto gjëra. Ai është i lumtur se ka ikur së bashku me familjen nga Arabia Saudite.

Melicor është sot konsul i përgjithshëm në Berlin. "Neve na drejtohen me kërkesa të ndryshme shumë njerëz që punojnë në Gjermani", thotë diplomati. Filipinet dhe Gjermania kanë nënshkruar në mars një të ashtuquajtur "marrëveshje për ndërmjetësim". Sipas saj, Agjencia për Punë e Gjermanisë mund të marrë infermiere në Filipine. Që prej vitesh nga Filipinet largohen për në Kanada, SHBA apo në Britani të Madhe infermiere filipinase të përgatitura mirë. Melicore mendon se ekspertet nga vendi i tij do t'i bëjnë mirë sistemit shëndetësor në Gjermani. Ministra gjermane për Punë dhe Çështje Sociale kumton se Gjermania ka aktualisht nevojë për rreth 10.000 persona për në sektorin e shëndetësisë dhe përkujdesit për të moshuarit. Shkaku pse mungojnë kaq shumë njerëz në këtë sektor është se ajo është një punë e rëndë dhe e paguar pak.

Kritika për kushtet e pranimit

Qeveria gjermane po përpiqet të sigurojë kuadro nga vendet e tjera. Në mars të këtij viti ajo ka nënshkruar një kontratë edhe me Indinë. Marrëveshja parashikon që gjuha gjermane të futet në shkolla si gjuha e dytë e huaj. Kurse të gjermanishtes do të ofrohen edhe në Filipine, sepse kushti për një vizë është njohja e gjuhës gjermane. Melicor thotë se kjo nuk është një zgjidhje e mirë dhe është një pengesë tepër e lartë për ardhjen në Gjermani. "Kjo ndikon që në Gjermani të mos vijnë personat me përgatitjet më të mira, por të kualitetit dytësor", thotë ai.

Kështu mendon edhe Ajit Gupte, zëvendësdrejtor i ambasadës së Filipineve në Berlin. "Gjermania nuk është atraktive për ekspertët nga India", pohon ai. Ndaj shumë bashkëatdhetarë të tij kanë vendosur të kthehen nga Gjermania në vendlindje. Ata nuk janë të kënaqur as pas një qëndrimi prej tetë vitesh, sepse për gjemanët gjithmonë kanë mbetur "të njohur dhe jo miq". "Bekannte" (të njohur) është një prej fjalëve të vetme të cilat ky diplomat i ka mbajtur mend.

Një problem tjetër është politika restriktive e imigrimit. Bashkëshortet mund të vijnë në Gjermani vetëm nëse dëshmojnë se kanë njohuri elementare të gjuhës gjermane. Ndërkohë që dioplomat dhe kualifikimet e arritura në Indi ende nuk njihen në Gjermani. Dhe së fundi, financiarisht nuk është tepër atraktive jeta në Gjermani. Tatimet janë rreth 40 % nga të ardhurat bruto, që do të thotë se janë shumë më të larta se në Indi (10-30 %).

Pengesat burokratike

Këtu duhen shtuar edhe pengesat burokratike. "Çdo udhëtim i ngjan si ndonjë romani të Kafkës apo ndonjë përralle",thotë  Leander Hollweg nga Tenman Prognosys. Sipërmarrja nga Hamburgu ndërmjetëson në gjetjen e vendeve të punës për ekspertë nga vendet e tjera në sektorin e përkujdesit shëndetësor. Disa autoritete dhe agjenci e mbështesin këtë punë por jo të gjitha. Hollweg thotë se ka bërë përpjekje që të kontaktojë me sipërmarrjet që kërkojnë ekspertë nga India, por pa sukses.

Ellen Bommersheim mendon se këtu ka dhe një "mbulesë prej xhami". Organizata ku punon ajo Kompass, shoqëron migrantët e rinj të cilët duan të kthehen në vendlindje dhe të themelojnë ndonjë sipërmarrje atje. Motivi kryesor është që "njerëzit me prejardhje migracioni nuk kanë shansa të mira për shkëputjen nga kjo shoqëri". Në këtë mënyrë Gjermania humb shumë potencial dhe profitojnë vendet e origjinës së tyre. Këta persona janë bartës të ideve demokratike në vendet e tyre.

Melicor nuk mund ta kupotojë këtë kritikë. Sipas tij, integrimi në Gjermani është i lehtë dhe nuk duhet pasur frikë nga kjo. Por këtu duhet bërë edhe më shumë, sepse për fuqi të kualifikuar punëtore kanë nevojë jo vetëm Evropa dhe SHBA, por edhe Kina.