Ketrajtimi i tetë indianëve në qytetin Mygeln të Saksonisë ka rikthyer debatin për ndalimin në Gjermani të partisë ekstremiste të djathtë NPD. Shefi i socialdemokratëve Kurt Bek (Kurt Beck) paralajmëroi se në kongresin e ardhshëm të partisë kjo temë do të futet sërish në rend të ditës. Politika gjermane në përgjithësi paralajmëron fuqizimin e luftës kundër armiqësisë ndaj të huajve. Kryeministri i Saksonisë Xhorxh Milbard (Georg Milbardt) njoftoi se do të organizohet një konferencë në të cilën do të ftohen të marrin pjesë përfaqësuesit e komunave. Ndërkaq ministrja përgjegjëse në kabinetin qeveritar gjerman Ursula von der Lajen (Ursula von der Leyen) tha se do të mbështeten projektet që kanë të bëjnë me luftën kundër ekstremizmit të djathtë.