Epiqendra e tërmetit ishte në Detin Egje pranë Seferihisar në provincën e Izmirit, sikurse njofton media turke. Sipas analizave fillestare tërmeti ndodhi shumë afër sipërfaqes së detit. Po ashtu me rreth 30 sekonda ai ka qenë qenë edhe jashtëzakonisht ri gjatë.

Siç njoftoi Zyra turke për Mbrojtjen ndaj Katastrofave gjetën vdekjen të paktën dymbëdhjetë vetë dhe u plagosën rreth 420 të tjerë. Sipas informacioneve të deritanishme nga rrënojat janë nxjerrë rreth 70 vetë, por ende ka mjaft që kanë mbetur nën to.

Në në qytetin e vogël Vathy në ishullin fqinj grek Samos u gjetën të vdekur dy të rinj 17-vjeçarë. Sipas njoftimeve të mediave greke vajza dhe djali ishin duke u kthyer në shtëpi pas shkollës kur për shkak të tërmetit u shembën muret në një rrugicë të ngushtë. Tetë persona të plagosur po trajtohen në spital. Nga lëkundjet në Samos u dëmtuan mjaft ndërtesa.

Pas tërmetit qyteti i vogël Vathy në Samos u godit nga një cunami. Kanalet televizive greke treguan pamje të shëtitores bregdetare të përmbytur dhe të makinave të zhvendosura prej masave të ujit. Pëmbytje rrugësh pati gjithashtu në qytetin turk Seferihisar, ku sipas njoftimeve kishte pasur po ashtu një tsunami të vogël. Ekspertët paralajmëruan për një cunami të mëtejshëm.