Organizata për Bashkëpunim dhe Siguri në Evropë, OSBE, ka kërkuar heqjen e menjëhershme të gjendjes së jashtëzakonshme në Republikën kaukaziane, Gjeorgji. "Përveç kësaj, duhet të rikthehet liria e mediave dhe të arrihen kushtet paraprake për një proces demokratik", tha i dërguari i posaçëm Josep Borreli, në përfundim të vizitës së tij dy ditore në kryeqytetin gjeorgjian,Tbilis. Në të njëjtën kohë, ai përshëndeti vendimin e presidentit Michail Saakashvili për zhvillimin e zgjedhjeve presidenciale në fillim të janarit. Të mërkurën e kaluar presidenti Saakashvili shpalli gjendjen e jashtëzakonshme në vend, pas protestave disa ditore të zhvilluara kundër qeverisë.