Pengmarrja në një supermarket në Francë merr fund
23 Mars 2018![Frankreich Geiselnahme in Trèbes bei Carcassonne](https://static.dw.com/image/43103026_800.webp)
Reklamë
Sipas njoftimeve të mediave, terroristi i dyshuar islamik u vra nga forcat e sigurisë. Ai kishte qëlluar me armë në një supermarket në qytetin e Trébes dhe kishte marrë disa vetë peng. Prej të shtënave u vranë tre vetë dhe janë plagosur dy të tjerë. Shumica e klientëve dhe e punonjësve arriti të dalë nga supermarketi.
Sipas prokurorisë atentatori ishte pjesëtar i milicisë IS. Sipas mediave ai kishte kërkuar lirimin e njërit prej vrasësve të serisë së akteve terroriste në Paris në nëntor 2015.
Para marrjes së pengjeve autori i dyshuar kishte vjedhur në qytetin e Carcassonne, dhjetë kilometra larg, një makinë, kishte vrarë një nga personat që gjendeshin në makinë dhe plagosur shoferin.