Në Poloni është duke u krijuar aleanca liberalokonservatore në mes platformës qytetare të kryeministrit të ardhshëm, Donald Tusk dhe partisë fshatare. Tusk tha pas një takimi me kryetarin e partisë fshatare, Valdemar Pavlak (Waldemar Pawlak), se ky duhet të bëhet ministër i ekonomisë. Partia e Pavlakut do të marrë tri ministri. Platforma qytetare e Tuskut fitoi zgjedhjet parlamentare me 209 nga 460 mandate dhe do të arrijë shumicën së bashku me 31 deputetët e partisë fshatare. Kryeministri akoma në detyrë Jaroslav Kazhinski (Jaroslaw Kaczynski )jep dorëheqjen me 5 nëntor. Vëllai i tij Leh Kazhinski (Lech Kaczynski) bëri të ditur, se do të ngarkojë Tuskun me krijimin e qeverisë.