Drejtësia në SHBA ka nisur hetimet kundër firmës private të sigurisë Blackwater. Firma akuzohet të ketë trafikuar ilegalisht armë në Irak të cilat janë shitur më pas në tregun e zi. Nga qarqet qeveritare u tha se ka prova të mjaftueshme për një padi. Hetimet po kryhen nga prokuroria në Karolinën e Veriut ku ndodhet selia e Blackwater. Zyrtarë të ministrisë së mbrojtjes dhe asaj të jashtme po japin ndihmën e tyre në hetime. Blackwater u vu në qendër të kritikave në Irak pas vrasjes së 11 civilëve të paarmatosur kur punonjës të saj kishin hapur zjarr. Firma kujdeset për sigurinë e konvojeve të SHBA në Irak për llogari të qeverisë në Uashington. Ministrja e jashtme e SHBA Kondoliza Rajs urdhëroi hetime të plota pas incidentit.