"Ne po na shesin! Kapitalizmi baraz kriminalitet i organizuar! Ku mbeti parashuta ime e artë e menaxherit? thërritën të hënën (04.10.) demonstruesit në lagjen e bankave në Boston. Lëvizja "Pushtoni Wall Street-in" po përhapet nga Nju-Jorku në qytete të tjera amerikane dhe ndikimi i saj sa vjen e bëhet më përcaktues në lajmet në Amerikë.

Organizata e protestës "Occupy Wall Street" vazhdon aksionet e saj

"Ju gazetarët amerikanë raportuat me shumë simpati për kryengritjet në vendet arabe", thotë Van Jones i institutit projektues "Center for Amerikan Progress" në një intervistë me stacionin televiziv amerikan HBO. Pikërisht prej kësaj pranvere arabe u frymëzua lëvizja anti Wall Street, thotë ai. "Pranvera arabe mund të ndiqet nga një vjeshtë amerikane."

T'i drejtosh të gjitha shpresat te presidenti, kjo shpreh pas arsye politike, thonë nismëtarët e lëvizjes "Pushtoni Wall Street-in". Në fund të fundit motoja e Obamës nuk ishte kurrë: "Po, unë mund t'ia dal", po "Po, ne mund t'ia dalim", thotë Van Jones.

Protesta drejtohet  kundër bankave dhe padrejtësive sociale.

"Ne përfaqësojmë 99 për qind të amerikanëve, që bëjnë pjesë te humbësit e dekadave të fundit", reklamojnë luftëtarët pararojë të lëvizjes kundër Wall Street-it në debate televizive dhe në intervista për gazetat. Ata përfitojnë prej zemërimit të popullsisë me Kongresin, i cili vetëm sa rrotullohet në vend. Dhe prej zhgënjimit nga një president, i cili ka shpëtuar bankat dhe koncernet e sigurimeve, por që me gjithë paketat koniunkturore miliardëshe nuk arriti të shmangte që varfëria, papunësia dhe rënia e vlerës së shtëpive amerikane të arrijë rekorde të reja.

Edhe vetë shërbimi i fshehtë me jashtë i SHBA-së, CIA, duhet të pranojë në të ashtuquajturin libër faktesh mbi botën, se ndërkohë SHBA-ja bën pjesë ndër vendet kryesuese në botë, përsa i takon padrejtësisë sociale dhe luan në një kategori me vende korrupsioni dhe shfrytëzimi si Uganda, Kameruni dhe Bregu i Fildishtë. Edhe vetë në kryeqytetin Uashington një ndër tre fëmijë nuk ka më ndërkohë mjaftueshëm për të ngrënë.

Zemërimi i të zinjve, i latinove dhe i shtresës së mesme të të bardhëve të Amerikës po rritet. Vjeshta amerikane mund të bëhet një vjeshtë e nxehtë.

Autor: Ralf Sina/Elert Ajazaj

Redaktoi: Angjelina Verbica