Qeveria izraelite po bën përpjekje të mëtejshme për forcimin e pozicionit të presidentit palestinez Mahmud Abaz në luftën për pushtet me Hamasin radikal-islamik. Sipas një zedhënësi të kryeministrit Ehud Olmert, Izraeli dëshiron të heqë nga lista emrat e 180 aktivistëve të organizatës Fatah që kërkohen prej organeve të rendit. Megjithatë kusht mbetet që aktivistët të heqin dorë nga aktet terroriste. Po ashtu, qarqet e qeverisë izraelite, bëjnë të ditur se ditën e hënë Olmert do të zhvillojë në Jeruzalem bisedime me presidentin Mahmud Abaz.