Lidhur me këtë temë gazetat gjermane të së mërkurës shkruajnë:

"Dithmarscher Landeszeitung": "Apelet dhe ligjet nuk do ta zgjidhin këtë problem. Vesi i drogës si pjesë e strukturës mbarëshoqërore tregon domosdoshmërinë për të diskutuar sërish më me intensitet aspkete të tilla si përgjegjësia sociale. Gjermanët kanë shumë arësye të forta që të mendojnë seriozisht për këtë problem."

"Coburger Tageblatt": "Duke nisur qysh nga amfitamina, ekstazia, kokaina e të tjera, duket se kanë një efekt joshës që i sfidon të gjitha masat parandaluese dhe apelet. E ngarkuara e qeverisë për problemet me drogën, Sabine Bätzing, nuk duhet pasur zili për postin që ka, por ajo nuk është më kot në këtë detyrë. Kjo pasi të varurit nga droga kanë nevojë për ndihmë, pavarësisht se si është ndihma në detaje."