Shtetet e Bashkuara dhe Koreja e Veriut po zhvillojnë këtë fundjavë bisedime dy-palëshe në kuadrin e një procesi të vazhdueshëm, i cili synon bllokimin e objekteve bërthamore të Koresë së Veriut.
Bisedimet po zhvillohen me dyer të mbyllura në misionin e Shteteve të Bashkuara në Gjenevë.
Kryenegociatori amerikan në bisedime, Ndihmës sekretari amerikan i Shtetit, Kristofer Hill, tha se të dy delegacionet po punojnë për zbatimin e marrëveshjes së 13 shkurtit.Ai tha se bisedimet ofrojnë shpresë për marrëdhëniet mes Koresë së Veriut, të quajtur Republika Popullore, Demokratike e Koresë së Veriut dhe vendet e tjera të rajonit.